بۇل – ناعىز حالىقتىق شەشىم

بۇل كۇن ەرەكشە ەستە قالارلىق كۇن بولعالى تۇر. ويتكەنى, «قا­زاق­ستان رەسپۋبليكاسىنىڭ تۇڭ­عىش پرە­زيدەنتى – ەلباسى تۋرا­لى» قازاق­ستان رەسپۋبليكاسىنىڭ كونستيتۋ­تسيا­لىق زاڭىنا جانە «قازاقستان رەس­پۋبليكاسىنىڭ مەم­لەكەتتىك ناگ­را­دالارى تۋرالى» قا­زاقستان رەسپۋب­ليكاسىنىڭ زاڭىنا تولىقتىرۋ ەنگىزىلدى. جيىرما جىل ىشىندە ەلىمىز اۋماقتىق تۇتاستىعىن ساقتاي وتى­رىپ, تاۋەلسىزدىكتىڭ ارقاسىندا مەم­لەكەتتىلىكتىڭ جاڭا بەينەسىن قالىپتاستىرىپ ۇلگەردى. بىرىككەن ۇلتتار ۇيىمىنىڭ جانە وزگە دە حالىقارالىق بەلدى دەگەن ۇيىم­دار­دىڭ  مۇشەسى بولعان قازاقستان حالىقارالىق قۇقىقتىڭ سۋبەك­تى­سىنە اينالدى. تاۋەلسىزدىكتىڭ ال­عاش­قى كۇندەرىنەن باستاپ مەن ەلى­مىزدىڭ سىرتقى ساياسي جانە سىرتقى ەكونوميكالىق كوكجيەگىندەگى ءما­سەلەلەرمەن اينالىسۋدا پرەزيدەنت نۇرسۇلتان نازارباەۆپەن  بەس جىل­داي بىرگە جۇمىس ىستەۋ باقى­تىنا يە بولدىم. سول بەس جىلدىڭ ىشىندە ءوزىم ەلباسىنىڭ سەنبى, جەكسەنبى كۇندەرى جۇمىس ىستەمەي قالعان ساتتەرىن كورگەن ەمەسپىن. ارينە, ول كەزدەر ءوزىنىڭ قي­ىن­دىعىمەن جانە قاربالاستى كەزەڭ­دە­رىمەن ەستە قالدى. كەڭەس وداعى­نىڭ قۇلاۋىمەن قازاقستان الەم­دىك قوعامداستىق الدىندا ءوزىن تا­نى­تۋى ءتيىس ەدى. بۇل جولدا ءار ءتۇرلى تاۋەكەلدەرگە بارىپ, قاۋىپ-قاتەرلەردى ەڭسەرۋگە تۋرا كەلدى. ءبىر عانا يادرولىق قارۋسىزدانۋ ءما­سەلەسىنىڭ ءوزى نۇرسۇلتان نازار­باەۆ­تىڭ قانشاما كۇش-جىگەرىن ال­دى دەسەڭىزشى. مەملەكەت باسشىسى – الەمدىك انتيادرولىق ۇدەرىس­تەر­دىڭ باستالۋىنا نەگىز قالاي وتى­رىپ, سونى ءىس جۇزىنە اسىرعان جا­ھاندىق دەڭگەيدەگى دارا تۇلعا. نۇرسۇلتان ابىش ۇلىمەن وتكىز­گەن بەس جىل مەن ءۇشىن ۇلى ءومىر ساباعى, ۇلى تاجىريبەلەر ساباعى بول­دى دەسەم, ارتىق ايتقاندىق ەمەس. ويتكەنى, مەن ەلباسىنىڭ پرين­تسيپىن بىلەمىن, ول ءوزىڭنىڭ قولىڭنان كەلەتىننەن دە كوپ ىستەۋگە تىرىس دەگەنگە سايادى. وسى وتكەن جيىرما جىلدىڭ ىشىندە ەل­باسى وسى ءپرينتسيپتى ۇنەمى ۇستا­نىپ كەلەدى. سوندىقتان دا قا­زاق­ستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆقا ايرىقشا ەرەكشەلىك بەلگىسى – «التىن جۇلدىز» بەن «وتان» وردەنى تاپسىرىلا وتى­رىپ, «حالىق قاھارمانى» اتاعى­نىڭ بەرىلۋى وتە ورىندى. كەيبىر ارىپتەستەرىم ايتقان­داي, بۇل مەملەكەتتىك ماراپات بىرنەشە جىلعا كەشىكتىرىلىپ بەرىلىپ وتىر دەر ەدىم. ەگەر قاتەلەسپەسەم, ەلبا­سىندا وتاندىق ناگرادالاردان تەك مەرەكەلىك مەدال عانا بار-اۋ دەيمىن. قانشاما شەت مەملەكەتتەر ءوز­دەرىنىڭ جوعارى مەملەكەتتىك ناگرا­دالارىمەن ماراپاتتاپ ۇلگەردى. دە­مەك, بۇل – ولاردىڭ ءبىزدىڭ پرە­زيدەنتىمىزدىڭ الەمدىك ساياسي ارە­نا­داعى ەڭبەگىن باعالاپ, حالىق­ارا­لىق قاۋىپسىزدىككە قوسقان ۇلەسىن شىنايى مويىنداعانى دەگەن ءسوز. ەگەر دە ءبىز نۇرسۇلتان ءابىش­ ۇلىن قۇتتىقتايتىن بولساق, وندا ەڭ الدىمەن ۇلى جەڭىستەرىمەن, تابىستارىمەن بۇكىل حالىقتى شىن جۇرەكتەن قۇتتىقتاۋىمىز كەرەك. عاني قاسىموۆ, پارلامەنت سەناتىنىڭ دەپۋتاتى.