«BMW X5» كولىگىن تىزگىندەگەن ازامات جول بويىمەن كەتىپ بارا جاتقان 1999 جىلى تۋعان جاياۋ جۇرگىنشىنى قاعىپ كەتكەن. «جاياۋ جۇرگىنشى جەدەل جاردەم كولىگى جەتكەنشە وقيعا ورنىندا قازا تاپقان. وقيعانى تەكسەرۋ بارىسىندا 45 جاستاعى «BMW X5» كولىگىنىڭ جۇرگىزۋشىسى ريددەر قالاسى اكىمىنىڭ ورىنباسارى باۋىرجان قۇرمانباەۆ ەكەندىگى انىقتالدى. ريددەر قالاسى ءىىب قر قك 345 بابىنىڭ 3 بولىگى بويىنشا سوتقا دەيىنگى تەرگەپ-تەكسەرۋ شارالارىن باستادى. وبلىس اكىمىنىڭ تاپسىرماسىنا سايكەس جول-كولىك وقيعاسىن تەرگەۋ شقو ىشكى ىستەر دەپارتامەنتى باستىعىنىڭ تىكەلەي باقىلاۋىنا الىندى» دەلىنگەن دەپارتامەنتىڭ ءباسپاسوز قىزمەتىنىڭ تاراتقان مالىمەتىندە.
بۇگىن قايعىلى جاعدايدىڭ ءمان-جايىن انىقتاۋ ءۇشىن وبلىس اكىمىنىڭ اپپارات باسشىسى رينات وماروۆ ريددەر قالاسىنا ارنايى بارىپ, قالا اكىمىمەن بىرگە قايتىس بولعان جىگىتتىڭ اتا-اناسىنا كوڭىل ايتىپ شىقتى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ريددەر
