ءوزىنىڭ جيناپ-تەرگەن قارجىسىنان 20 ملن تەڭگەنى اۋىل قاجەتى ءۇشىن بەرگەن كاسىپكەر, «ەندى وزدەرىڭ ءىس قىلىڭدار» دەگەن جوق, اۋىل تۇرعىندارىمەن بىرگە كوشەتتەردى وتىرعىزۋ جۇمىستارىنىڭ باسى-قاسىندا بولدى.
اۋىلدا ەكى قولىنا ءبىر كۇرەك تاپپاي جۇرگەن ازاماتتار كوپ. 5 گەكتار جەرگە ەگىلگەن 13 مىڭ ءتۇپ الما كوشەتىن ەگۋدەن بولەك, كۇتىپ-باپتاۋ جۇمىستارى بار. اۋىلداستارىنا جۇمىس تاۋىپ بەرگەن ازامات تۋعان جەرىنىڭ ەرتەگىدەگىدەي يران باققا اينالعانىن قالايدى.
كوشەتتەر ەگىلەر الدىندا توقساننان اسقان اشەن اتا باتاسىن بەردى. الما اعاشىنىڭ ءبىرىن ءوزى ەككەن قاريانىڭ ايتارى كوپ. كەزىندە وسى اۋىلدا الما باعى بولىپتى. بالاپان باسىمەن, تۇرىمتاي تۇسىمەن كەتكەن ۋاقىتتا كۇتىمسىز قالعان سول باقتىڭ اعاشتارى وتىن بولىپ كەتكەن. اشەن اقساقال ۋاقىتىندا سول الما باعىنىڭ باعبانى بولعان ەكەن. بىراق مەنشىك يەسى بولماعاندىقتان, ساقتاپ قالۋعا ەش مۇمكىندىگى بولماعان. كەڭەس وكىمەتىن شاۋىپ الارداي ەكپىندەگەن جۇرت ءتىس شۇقىر اعاش قالدىرماي وتاپ كەتكەن.
بۇگىندە زامان جاقسىعا اينالدى. ەل توعايدى. جاسالىپ جاتقان يگىلىكتەردىڭ وزدەرى ءۇشىن ەكەنىن بىلەدى. سوندىقتان دا جاڭادان تىگىلگەن باۋ ءۇشىن ءبارى قۋانىشتى.
وسى اۋىلدان تۇلەپ ۇشىپ, تالاي اسۋلاردى باعىندىرعان ەركىن پەرزەنتتىك پارىزىن وسىلايشا ورىندادى.
باقتيار تايجان,
«ەگەمەن قازاقستان»
قىزىلوردا وبلىسى
