ءانشى, سازگەر, رەسپۋبليكاعا ەڭبەگى سىڭگەن مادەنيەت قايراتكەرى, قازاقستان كومپوزيتورلار وداعىنىڭ مۇشەسى, امانگەلدى اۋدانىنىڭ قۇرمەتتى ازاماتى قاليبەك دەرىپسالديننىڭ اندەرىن اندەرى ەلىمىزدە تانىمال, كوپ ورىندالادى. وسى جولى ونىڭ اندەرىن ورىنداۋشىلاردىڭ رەسپۋبليكالىق ءان بايقاۋىنا الماتى, استانا قالالارى مەن اقمولا, اقتوبە, جامبىل, باتىس قازاقستان جانە قوستاناي وبلىستارىنان انشىلەر قاتىستى.
قازىلار القاسىنىڭ قۇرامىنا ەلىمىزگە بەلگىلى مادەنيەت قىزمەتكەرلەرى, ونەر ادامدارى كىردى, وعان بەلگىلى كومپوزيتور ەرمۇرات ۇسەنوۆ توراعالىق ەتتى. ءۇشىنشى ورىندى ءۇش ءانشى ءبولىستى. ول قوستاناي وبلىسىنىڭ التىنسارين اۋدانىنان گۇلباقىت جاڭبىرباەۆا, قوستانايلىق ازامات مۇقاتوۆ, اقمولا وبلىسىنان ءالىم امىرعازينگە بەرىلدى. ەكىنشى ورىندى اقتوبە وبلىسىنان كەلگەن نۇرتاس وماروۆ پەن قوستاناي وبلىسىنىڭ مەڭدىعارا اتسۋدانىنان قانات راجانوۆ الدى. ءبىرىنشى ورىن باتىس قازاقستان وبلىسىنان كەلگەن دۋەت داريا باقىتوۆا پەن داستان ەسەنتەمىروۆكە بۇيىردى. ال بايقاۋدىڭ باس جۇلدەسىن جامبىلدىق كۇمىس كومەي ءانشى جاناتبەك قادىروۆ يەلەندى.
بايقاۋدىڭ گالا-كونتسەرتىندە جۇلدەگەرلەرمەن قاتار رەسپۋبليكاعا اتى بەلگىلى انشىلەر قاليبەكتىڭ اندەرىن ورىندادى. گالا-كونتسەرتتە كومپوزيتور قاليبەك دەرىپسالديننىڭ وزىنە دە قۇرمەت كورسەتىلدى.
ءنازيرا جارىمبەت
«ەگەمەن قازاقستان»
قوستاناي
