باعدارلامانىڭ قابىلدانۋىمەن بيۋدجەتتىك جانە بيۋدجەتتەن تىس كوزدەردەن 81 جوبا جۇزەگە اسىرىلدى. ونىڭ ىشىندە 52 جوبا نەمەسە 64,1 پايىزى ايماقتىڭ ۇكىمەتتىك ەمەس سەكتورىنىڭ الەۋەتىن تارتا وتىرىپ جۇزەگە اسىرىلۋدا, سونىمەن قاتار 651 اۋقىمدى شارا ۇيىمداستىرىلدى.
«Zhastar Camp Qyzylorda-2017» شەڭبەرىندە جاستاردىڭ وي-ساناسىن جاڭعىرتۋدىڭ كەيبىر اسپەكتىلەرى بويىنشا 1000 جاس ءۇشىن 2017 جىلدىڭ ماۋسىمىندا جاڭاقورعان اۋدانىنداعى «تاۋ سامالى» دەمالىس لاگەرى بازاسىندا وقىتۋ سەمينارلارى ۇيىمداستىرىلدى. بۇل باعىتتاعى جۇمىستارعا وڭىرىمىزدە 42 بەلسەندى جاستار ۇيىمى, 8 ەرىكتىلەر جانە 39 جاس سپورتشىلار ۇيىمى جۇمىلدىرىلدى. جاستار ۇيىمدارى وڭىرىمىزدەگى جوعارى, ارناۋلى جانە ورتا وقۋ ورىندارىمەن بىرلەسىپ 1136 ءىس-شارا وتكىزدى.
«تاربيە جانە ءبىلىم» باعىتىن جۇزەگە اسىرۋعا وڭىردەگى جوعارى وقۋ ورىندارىنىڭ جانە ءبىلىم بەرۋ ۇيىمدارىنىڭ وقىتۋشىلىق قۇرامىنىڭ 80%-ى جۇمىلدىرىلدى. قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە «تۋعان جەر» باستاماشىل توپ جانە «Business Start» جوبالىق كەڭسە قۇرىلسا, «ماڭگىلىك ەل» عىلىمي-پراكتيكالىق ورتالىق پەن «اقيقات» پىكىرتالاس كلۋبى جۇمىس جاساۋدا.
«رۋحاني جاڭعىرۋ», «ماڭگىلىك ەل جانە ۇلتتىق ءداستۇر», «جەرگىلىكتى زەرتتەۋلەر», «مەملەكەتتىك ەتنوساياسات نەگىزدەرى», «وركەنيەتتىڭ نەگىزدەرى», «مادەني مۇرا», «رۋحاني جانە ادامگەرشىلىك تاربيە جۇيەسى», «مادەنيەتتانۋ», «ساياساتتانۋ جانە الەۋمەتتانۋ» تاقىرىبىنداعى ارنايى پاندەر ەنگىزىلىپ, تاقىرىپتىق كافەدرالار اشىلدى.
«رۋحاني جاڭعىرۋ» باعدارلاماسىن اقپاراتتىق سۇيەمەلدەۋ اياسىندا رەسپۋبليكالىق جانە ايماقتىق بۇقارالىق اقپارات قۇرالدارىندا 7172 ماتەريال جاريالاندى. «Kyzylorda-news» ينتەرنەت-رەسۋرسىندا, وبلىس اكىمىنىڭ پورتالىندا, وبلىستىق, قالالىق جانە اۋداندىق باسىلىمداردا ماقالالار جارىق كوردى. سونىمەن قاتار, ايماقتىق باسىلىمداردا «رۋحاني جاڭعىرۋ», «ستاتيا پرەزيدەنتا رك: رەزونانس», «سەرپىن», ء«ۇن قوسۋ», «مەزگىل ماسەلەسى», «پىكىر مەن
پايىم» رۋبريكالارى اشىلدى.
«Qyzylorda», «قوعام تۆ» تەلەارنالارىندا «وزەكجاردى», «مەزگىل ماسەلەسى», «جاڭا كۇن», «قازاقستان – 2050: دامۋدىڭ داڭعىل جولى», «القا», «تۋعان ولكەم», «مارتەبەلى ماماندىق» تەلەحابارلار تسيكلىندا سيۋجەتتەر مەن جۇرتشىلىق لەبىزى بەرىلدى.
2017 جىلدىڭ ءساۋىر ايىنان باستاپ «رۋحاني جاڭعىرۋ» تاقىرىبىندا 14 ۆيدەوروليك «Qyzylorda» تەلەارناسىنان كۇن سايىن كورسەتىلۋدە. ينتەرنەت-رەسۋرستاردا, الەۋمەتتىك جەلىلەردە «رۋحاني جاڭعىرۋ», «project_office_ruhanizhangyru» پاراقشالارى اشىلدى. بۇل بلوگپلاتفورمالاردا سىر ەلىنىڭ تاريحي جەرلەرى, ايماقتىڭ مادەني مۇراسى جانە وبلىستىڭ 100 جاڭا ەسىمى تۋرالى اقپاراتتار سۋرەتتەرىمەن قوسا جاريالانادى.
«رۋحاني جاڭعىرۋ» ايماقتىق جوبالىق كەڭسە اياسىندا ازاماتتاردى قابىلداۋ كۇندەلىكتى جۇرگىزىلۋدە. بۇل قابىلداۋلار جونىندە حابارلاندىرۋلار وبلىستىق بۇقارالىق اقپارات قۇرالدارىندا جاريالاندى.
جۇرگىزىلىپ جاتقان جۇمىستاردىڭ ساپاسىن باعالاۋ ماقساتىندا 2 ايدا ءبىر رەت الەۋمەتتىك ساۋالناما ارقىلى حالىقتىڭ اقپاراتتاندىرىلۋ دەڭگەيى زەرتتەلەدى. ساۋالناما ناتيجەسى بارلىق كورسەتكىشتەر بويىنشا وڭ ناتيجە كورسەتتى.
نۇرلىبەك مىڭجاس,
وبلىستىق «رۋحاني جاڭعىرۋ» ورتالىعىنىڭ ديرەكتورى
قىزىلوردا وبلىسى
