02 جەلتوقسان، 2011

كورمە توڭىرەگىندەگى اڭگىمە

239 رەت كورسەتىلدى
كەشە ەلوردادا ەلىمىزگە رەسمي ساپارمەن كەلگەن حالىقارالىق كورمەلەر بيۋروسىنىڭ (حكب) باس حاتشىسى ۆيسەنتە گونسالەس لوسسەرتالەس باق وكىلدەرىمەن باسپا­سوز ءماسليحاتىن وتكىزدى. ساپار ماق­ساتى 2012 جىلدىڭ كوكتەمىن­دەگى حكب ساراپتاما كوميسسيا­سى­­نىڭ قاراۋىنا وراي ەحرو-2017 كور­مەسى بويىنشا قازاقستاندىق ۇسى­نىستى قابىلداۋ بولىپ تابىلادى. – استانانىڭ EXPO-2017 كور­مە­سىن وتكىزۋگە مول مۇمكىندىكتەرى بار دەپ ويلايمىن. 2017 جىل استانا ءۇشىن ەرەكشە جىل. قالا ءوزى­نىڭ 20 جىلدىعىن تويلايتىن بو­لا­دى. بۇل ەلوردانىڭ بەدەلىن جو­عارىلاتاتىن تاعى ءبىر ۇلكەن ءمۇم­كىندىك ەكەنىندە داۋ جوق. قازاق­ستاننىڭ EXPO-2017 حالىق­ارا­لىق كورمەسىن وتكىزۋ بويىنشا داي­ىن­­­دا­عان مالىمەتتەرى بيۋروعا مۇشە مەملەكەتتەرگە 2012 جىل­دىڭ ناۋ­­رىز ايىندا ۇسىنىلماق. ال سوڭعى شەشىم اتالعان جىلدىڭ قاراشا ايىندا حكب-نىڭ شتاب پاتەرى پاريجدە قابىلدانادى، – دەدى حا­لىقارالىق كورمەلەر بيۋ­روسىنىڭ باس حاتشىسى ۆيسەنتە گونسالەس لوس­سەرتالەس. سونداي-اق ول وسى ساپا­رى شەڭبەرىندە قا­زاق­ستان باس­شى­لىعى دايىنداعان نەگىزگى ءمالى­مەت­تەرمەن تانىسقانىن جانە ونىڭ جوعارى دەڭگەيدە جاسالعانىنىڭ كۋاسى بولعانىن دا جەتكىزدى. جۋىردا قازاقستاندىق دەلەگاتسيا حكب-نىڭ مەرەيتويلىق 150-ءشى باس اسسامبلەياسىنا قاتىسىپ قايتقان-دى. ەلىمىز ەحرو-2017 حا­لىقارالىق مامانداندىرىلعان كورمەسىن قابىلداۋشى ەل پوزي­تسياسىنا كانديدات رەتىندە قاتىس­تى. وتىز مينوتتىك تۇساۋكەسەردە اتالمىش كورمەنى وتكىزۋ اۋماعى 3-D فورماتىندا كورەرمەندەر نا­زارىنا ۇسىنىلسا، حكب دەلەگات­تارى استانانىڭ ينفراقۇرى­لىم­دىق مۇمكىندىكتەرى جايىندا ماع­لۇماتتار الدى. ەلىمىز ون ءتورت جىلدان بەرى حالىقارالىق كورمەلەر بيۋروسى ۇيىمىنىڭ مۇشەسى بولىپ كەلەدى. وسى ۋاقىتتار ىشىندە قازاقستان ءوزىن بەلسەندى قاتىسۋشى رەتىندە كورسەتىپ، ايچي، ساراگوسا جانە شانحاي قالالارىندا بولعان كور­مەلەردى ويداعىداي وتكىزۋگە با­رىن سالدى. قازىرگى تاڭدا دا وسى قارقىنىن ۇدەتە تۇسكەن قازاقستان كەلەر جىلى كورەيانىڭ ەسۋ قالا­سىندا وتەتىن ەحرو-2012 كورمە­سىنە قىزۋ دايىندىق جۇرگىزۋدە. ءابدىراحمان قىدىربەك، سۋرەتتى تۇسىرگەن  مۇحتار حالداربەكوۆ.
سوڭعى جاڭالىقتار

ۇقساس جاڭالىقتار