2015 جىلى ديزەل وتىنىنىڭ قۇنى – 82,0 تەڭگە, 2016 جىلى – 95,4 تەڭگە, 2017 جىلى – 140,7 تەڭگە بولسا, بيىل ول 156 تەڭگەگە جەتكەن نەمەسە 2015 جىلمەن سالىستىرعاندا 1,9 ەسە وسكەن. بۇل جاعداي اقمولا, شىعىس قازاقستان, قوستاناي جانە قاراعاندى وبلىستارىندا وسىمدىك شارۋاشىلىعى مەن مال شارۋاشىلىعى ونىمدەرىنىڭ ەداۋىر قىمباتتاۋىنا سوقتىرىپ, وسى وڭىرلەردەگى كوپتەگەن اۋىلشارۋاشىلىق تاۋار وندىرۋشىلەرىنىڭ قارجىلىق جاعدايىن قيىنداتا ءتۇستى. سايىپ كەلگەندە بۇلاردىڭ اۋىل شارۋاشىلىعى ونىمدەرىن وندىرۋدەگى شىعىندارىندا جانار-جاعارماي ماتەريالدارىنىڭ ۇلەسى 25 %-عا دەيىن جەتتى. مۇنداي جاعداي ەلىمىزدىڭ باسقا وڭىرلەرىندە دە ورىن الىپ وتىر.
قالىپتاسقان جاعداي اۋىلشارۋاشىلىق ونىمدەرىنىڭ باسەكەگە قابىلەتتىلىگىن تومەندەتۋدە. ارينە, اعىمداعى جىلى ۇكىمەت كوكتەمگى ەگىس جۇمىستارىن جۇرگىزۋ ءۇشىن ديزەل وتىنىن زاۋىتتاردان العاندا 1 ءليترىنىڭ باعاسىن 130 تەڭگە دەڭگەيىندە ۇستاۋدى بەلگىلەگەن, بىراق ونى وڭىرلەرگە جەتكىزۋدى ەسكەرسەك, باعا ورتا ەسەپپەن 150 تەڭگەگە دەيىن كوتەرىلىپ وتىر.
اۋىل شارۋاشىلىعى تاۋارلارىن وندىرۋشىلەرگە اگروتەحنيكالىق ءىس-شارالاردى ۋاقتىلى جۇرگىزۋ, سونىمەن بىرگە ءونىمنىڭ ىشكى جانە سىرتقى نارىقتارداعى باسەكەگە قابىلەتتىلىگىن ارتتىرۋ ءۇشىن بۇل باعا ءتيىمسىز بولىپ تابىلادى.
وسىعان بايلانىستى, ءبىز پرەمەر-مينيستر باقىتجان ساعىنتاەۆتان ديزەلدى وتىنعا بەلگىلەنگەن باعانى قايتا قاراپ, ونى 25–30%-عا دەيىن تومەندەتۋ تۋرالى ماسەلەنى قاراستىرۋدى سۇرادىق. بۇل ساۋالعا پالاتاداعى «نۇر وتان» پارتياسى فراكتسياسىنىڭ مۇشەلەرى ن.سابيليانوۆ پەن س.زۆولسكي دە قول قويدى. ۇكىمەت باسشىسى ءبىزدىڭ ۇسىنىسىمىزدى وڭ شەشەر دەگەن ۇمىتتەمىز.
جەكسەنباي دۇيسەباەۆ,
ءماجىلىس دەپۋتاتى
