1. قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ قاراماعىندا 7 كاسىپورىن بار: «ينفراكوس» شجق رمك, «عارىش-ەكولوگيا» عىلىمي-زەرتتەۋ ورتالىعى» شجق رمك, «بايتەرەك» قازاقستان-رەسەي بىرلەسكەن كاسىپورىنى», «رەسپۋبليكالىق عارىشتىق بايلانىس ورتالىعى», «قازاقستان عارىش ساپارى» ۇك», «ۇلتتىق عارىشتىق زەرتتەۋلەر مەن تەحنولوگيالار», «عالام» جشس. قازعارىشتىڭ وسى كاسىپورىندارىنىڭ باسقارىلۋى بارىندە اكتسيونەرلىك قوعام فورماسىندا ۇيىمداستىرىلعان, وسىنىڭ ءوزى قابىلداناتىن شەشىمدەردىڭ جەدەلدىگىن جانە ءبىرىنشى باسشىلاردىڭ جاۋاپكەرشىلىگىن قامتاماسىز ەتەدى. ال القالىق باسقارۋ فورماسىمەن قۇرىلعان «قازاقستان عارىش ساپارى» ۇك مەملەكەتكە 450 ملن تەڭگە («ەسىل» زىمىراندىق-عارىشتىق كەشەنىن قۇرۋ جوباسىندا جانە 392 ملن تەڭگە «سارىشاعان» پوليگونىنا جابدىقتار الۋ كەزىندە) زالال كەلتىرۋدىڭ الدىن الا المادى. سوندىقتان ءبىر ادامنىڭ باسقارۋىنداعى فورمانى مۇندا دا قالدىرعان ءجون.
2. عارىشتىق اپپاراتتاردى قۇراستىرۋ-سىناۋ كەشەنىن ىسكە قوسۋ 2018 جىلدىڭ اياعىنا جوسپارلانعان. بۇعان عارىشتىق تەحنيكالاردىڭ ارناۋلى كونسترۋكتورلىق-تەحنولوگيالىق بيۋروسى دا ەنگىزىلگەن. وسى بيۋرونىڭ جۇمىسى قازىردىڭ وزىندە اياقتالدى, باسقالارىنىڭ تەحنولوگيالىق جابدىقتاردى مونتاجداۋ جۇمىسى ءالى اياقتالعان جوق. سوندىقتان اەروعارىش كوميتەتى كونسترۋكتورلىق-تەحنيكالىق بيۋروعا 2018 جىلدىڭ العاشقى جارتىسىندا بولەك عيمارات بەرۋى كەرەك دەپ سانايمىز.
3. سوڭعى ءۇش جىلدا «قازاقستان عارىش ساپارى» ۇك 2011-2020 جىلدارعا ارنالعان ستراتەگياسىنا ءتۇرلى قاتىستى مينيسترلىكتەر ءوز وزگەرىستەرىن ەنگىزۋ ۇستىندە, سونىڭ كەسىرىنەن ستراتەگيا ءالى كۇنگە بەكىتىلگەن جوق. ۇكىمەت تەز ارادا وسى ستراتەگيانى بەكىتىپ, ەلباسى العا قويعان مىندەتتەردى شەشەتىن كەلەسى ونجىلدىقتاعى جوسپارلاردى دايىنداۋعا كىرىسەتىن مەزگىل جەتتى.
4. 2009 جىلدىڭ 6 قازانىندا قازاقستان مەن فرانتسيا ۇكىمەتتەرى اراسىنداعى كەلىسىمگە سايكەس «قازاقستان عارىش ساپارى» ۇك-نان قازاقستان-فرانتسيا بىرلەسكەن كاسىپورىنى «عالامعا» بەرىلۋگە ءتيىستى م ۇلىكتەر ەكى مەتردەن جوعارى تۇسىرىلگەن عارىشتىق تۇسىرىلىمدەردى تاراتپاۋ جونىندەگى شەكتەۋگە جانە سالىقتىق اكىمشىلەندىرۋ ماسەلەسىنىڭ شەشىلمەۋىنە سايكەس بەرىلمەۋى ەلىمىزدىڭ عارىشتىق جۇيەسىنىڭ دامۋىنا كەدەرگى كەلتىرۋدە. سوندىقتان ەكى ەلدىڭ اراسىنداعى وسى كەلىسىمگە وزگەرىستەر ەنگىزۋ كەرەك.
5. بۇگىنگى تاڭدا عارىشتىق سالانىڭ دامۋىن تەجەپ وتىرعان فاكتورلار قاتارىنا كۆازيمەملەكەتتىك سەكتور مەن كاسىپكەرلىك سۋبەكتىلەرىنىڭ عارىشتىق تەحنولوگيالاردى ەنگىزۋدەگى دەڭگەيىنىڭ تومەندىگىن قوسۋعا بولادى. ونىڭ نەگىزگى سەبەبى عارىشتىق ءىس-ارەكەتتەردىڭ ناتيجەلەرىن پايدالانۋعا قۇقىقتىق تەتىكتەردىڭ بولماۋى. سوندىقتان ورتالىق اتقارۋشى ورگاندار مەن ۆەدومستۆولاردىڭ قورعانىس پەن قاۋىپسىزدىك مۇددەسىنە باعىتتالعان عارىشتىق مونيتورينگتەرى بيۋدجەتتىك زاڭنامادا كورسەتىلگەن تارتىپپەن عارىش جۇيەسىنىڭ ۇلتتىق وپەراتورىنا بەرىلۋى كەرەك.
6. 2009 جىلعى 6 قازانداعى جەردى قاشىقتىقتان زوندتاۋ عارىش جۇيەسىن جانە عارىشتىق اپپاراتتاردى قۇراستىرۋ-سىناۋ كەشەنىن قۇرۋ جانە پايدالانۋ شارتتارى تۋرالى ۇكىمەتارالىق كەلىسىمگە سايكەس شەكتەۋلەر بار – ۇكىمەتارالىق كەلىسىمنىڭ 4-بابىندا قازاقستاندىق تاراپتىڭ جقز عج-نى ءۇشىنشى تاراپقا فرانتسۋز تارابىنىڭ الدىن الا جازباشا كەلىسىمىنسىز تابىستاماۋ مىندەتتەمەلەرى كوزدەلگەن.
قازاقستاندا باعاسى 100 ملرد تەڭگەدەن استام اكتيۆتى (قسك مەن جقز عج باعاسى) ساتىپ الاتىن ينۆەستورلار جەتكىلىكسىز ەكەنىن ەسكەرە وتىرىپ, ۇلتتىق عارىش كومپانياسىن جەكەشەلەندىرۋ شەتەلدىك ينۆەستورلاردىڭ قاتىسۋىمەن نەمەسە تىكەلەي شەتەلدىك ينۆەستورلاردىڭ وزىمەن جۇزەگە اسىرىلاتىن بولادى. الايدا, وسى ۋاقىتقا دەيىن ءبىزدىڭ ۇكىمەت (ۇلتتىق ەكونوميكا مينيسترلىگى «قازاقستان عارىش ساپارى» ۇك» اق-نى جەكەشەلەندىرەتىن كاسىپورىندار تىزبەسىنە ەنگىزۋ باستاماشىسى رەتىندە فرانتسۋز تاراپىنىڭ ءتيىستى جازباشا كەلىسىمىن الۋ جونىندە شارالار قابىلدامادى) جقز عج مەن قسك-نى ءۇشىنشى تۇلعالارعا قايتا تابىستاۋعا فرانتسيا ۇكىمەتىنىڭ جازباشا كەلىسىمىن العان جوق. وسىلايشا, «قازاقستان عارىش ساپارى» ۇك» اق-نى جەكەشەلەندىرۋ قازاقستان تاراپىنان حالىقارالىق مىندەتتەمەلەردى بۇزۋعا جانە اقش پەن ەۋروپا وداعىنىڭ تاراپىنان سانكتسيالار ەنگىزۋگە سوقتىرۋى مۇمكىن.
وسىعان بايلانىستى, «قازاقستان عارىش ساپارى» ۇك» اق-نى جەكەشەلەندىرەتىن كاسىپورىندار تىزبەسىنەن الىپ تاستاۋ ۇلتتىق مۇددەگە سايكەس بولادى. بۇدان باسقا, بۇل كاسىپورىن ەرەكشەلىك رەتىندە وعان قوس ماقساتتاعى تەحنولوگيالار تابىستالعان, ناتو-عا مۇشە ەمەس جالعىز ەلدە فرانتسۋز تاراپىنىڭ كومەگىمەن قۇرىلعان قوس ماقساتتاعى ستراتەگيالىق نىساندى (جقز عج) پايدالانادى.
پرەمەر-مينيستر ب.ساعىنتاەۆقا وسى ماسەلەلەردى جەتكىزە وتىرىپ, ولاردى زەرتتەۋدى جانە عارىش سالاسىندا وسىناۋ ماڭىزدى ماسەلەلەردى شەشۋ جونىندە قانداي پارمەندى شارالار قابىلداناتىنىن ايتۋدى سۇرادىق.
تالعات مۇساباەۆ,
سەنات دەپۋتاتى, عارىشكەر
