قازاق كسر پرەزيدەنتىن سايلاۋدىڭ قورىتىندىسى تۋرالى

ورتالىق سايلاۋ كوميسسياسىنىڭ حابارى بۇل حابار گازەتتىڭ 1991 جىلدىڭ 7 جەل­توق­سانداعى نومىرىندە جاريالانىپتى. ون­دا بىلاي دەلىنگەن: «قازاق كسر جوعارعى كەڭە­سى­نىڭ 1991 جىل­عى قازاننىڭ 16-سىن­داعى قاۋلىسىنا سايكەس 1991 جىل­عى جەلتوقساننىڭ 1-ىندە قا­زاق كسر پرەزيدەنتىن سايلاۋ بولدى. قازاق كسر پرەزيدەنتىن ساي­لاۋدىڭ ءناتي­جە­لەرى تۋرالى ورۋگتىك سايلاۋ كوميسسيا­لا­رى­نان جولدانعان پروتوكولداردى قاراپ, قا­زاق كسر پرەزيدەنتىن سايلاۋ جونىندەگى ورتالىق سايلاۋ كوميسسياسى مىنانى حابارلايدى: رەسپۋبليكا تەرريتورياسىندا قۇرىلعان 21 سايلاۋ وكرۋگى بوي­ىن­شا سايلاۋشىلار تىزىمىنە 9 961 242 ازامات ەنگىزىلدى. داۋىس بەرۋگە ولاردىڭ 8 788 726-سى, ياعني 88, 23 پروتسەنتى قاتىستى. جاسىرىن داۋىس  بەرۋ ءۇشىن سايلاۋ بيۋللەتەنىنە قازاق كسر پرەزيدەنتىنە ۇمىتكەر ن.ءا.نازارباەۆ پەن قازاق كسر ۆيتسە-پرەزيدەنتىنە ۇمىتكەر ە.م.اسانباەۆ ەنگىزىلدى. سايلاۋدىڭ ناتيجەسىندە ن.ءا.نازارباەۆتى جاقتاپ 8 681 276 سايلاۋشى, ياعني داۋىس بەرۋگە قاتىسقاندار سانىنىڭ 98, 78 پروتسەنتى داۋىس بەردى. قازاق كسر پرەزيدەنتىنە ۇمىتكەر ن.ءا.نا­زارباەۆتىڭ فامي­ليا­سى سىزىلعان سايلاۋ بيۋللەتەندەرىنىڭ سانى 107 252, ياعني قولعا بەرىلگەن بيۋللەتەندەر سانىنىڭ 1,22 پروتسەنتى. 198 سايلاۋ بيۋللەتەنى جارامسىز دەپ تا­نىلدى. رەسپۋبليكانىڭ سايلاۋ وكرۋگتەرى بوي­ىن­شا داۋىس بەرۋدىڭ ناتيجەسى تومەندەگى دەرەكتەرمەن سيپاتتالادى». مۇنان كەيىن سايلاۋ وكرۋگتەرى بويىنشا سايلاۋشىلاردىڭ ءتىزىمى مەن داۋىس بەرۋگە قاتىسقان ازاماتتاردىڭ سانى, بەرىلگەن داۋىستار سانى تۋرالى ارنايى كەستە بەرىلگەن. ونىڭ قورىتىندىسىندا «ورتالىق سايلاۋ كوميسسياسى «قازاق كسر پرەزيدەنتىن سايلاۋ تۋرالى» زاڭنىڭ 21-ستا­تيا­سىنا سايكەس جانە داۋىس بەرۋدىڭ قورىتىندىلارى نەگىزىندە داۋىس بەرۋگە قاتىسقان سايلاۋ­شى­لاردىڭ 98,78 پروتسەنت داۋىسىن العان نۇر­سۇلتان ءابىش ۇلى  نا­زارباەۆتى قازاق كسر پرەزيدەنتى بولىپ ساي­لاندى دەپ تانىدى. پرەزيدەنتپەن بىرگە ەرىك ماعزۇم ۇلى اسانباەۆ قازاق كسر ۆيتسە-پرەزيدەنتى بولىپ سايلاندى دەپ ەسەپتەلەدى» دەلىنىپتى.