پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى گەورگي كيم قاراعاندى وبلىستىق ىشكى ىستەر دەپارتامەنتىنىڭ باسشىلىعى جانە جەكە قۇرامىمەن كەزدەستى. سەناتور پوليتسيا قىزمەتكەرلەرىنە مەملەكەت باسشىسىنىڭ باستامالارىن جۇزەگە اسىرۋ تەتىكتەرى جايىندا اقپارات بەردى. سونىمەن قاتار سەناتتىڭ زاڭ شىعارۋ قىزمەتىنەن حاباردار ەتتى.
وسى ورايدا وبلىستىق ىشكى ىستەر دەپارتامەنتىنىڭ باستىعى مەرگەنباي جاپپاروۆ پرەزيدەنتتىك باستامالاردا كوتەرىلگەن جەڭىلدەتىلگەن يپوتەكالىق نەسيەلەر ىشكى ىستەر ورگاندارى قىزمەتكەرلەرى ءۇشىن ايتۋلى جاڭالىق بولعاندىعىن اتاپ ءوتتى. ويتكەنى پوليتسەيلەر اراسىندا باسپاناعا ءزارۋ قىزمەتكەرلەر جەتكىلىكتى.
سونداي-اق سەناتورلار گەورگي كيم, ساۋلە ايتپاەۆا جانە دۋلات قۇسداۋلەتوۆ وبلىستىڭ وساكاروۆ اۋدانىندا بولىپ, جەرگىلىكتى اكتيۆپەن, اۋداندىق ءماسليحات دەپۋتاتتارىمەن, پروكۋراتۋرا, سوت جانە وزگە دە قۇقىق قورعاۋ ورگاندارىنىڭ وكىلدەرىمەن كەزدەستى.
* * *
الماتىدا سەناتورلار دينار نوكەتاەۆا مەن نۇرجان نۇرسيپاتوۆ «قازاقستان تەمىرجولى» اكتسيونەرلىك قوعامىنىڭ لوكوموتيۆ دەپوسى مەن باسقا دا بولىمشەلەرى قىزمەتكەرلەرىنىڭ الدىندا ءار وتباسىنا تۇرعىن ءۇي ساتىپ الۋدىڭ جاڭا مۇمكىندىكتەرى, ەڭبەكاقىسى تومەن ادامدار ءۇشىن سالىق اۋىرتپالىعىنىڭ ازايتىلۋى, سونداي-اق جوعارى ءبىلىم الۋداعى جەڭىلدىكتەر مەن ستۋدەنتتىك جاتاقحانالاردىڭ سالىنۋىنا بايلانىستى كەڭىنەن اڭگىمەلەپ بەردى.
دەپۋتات ن.نۇرسيپاتوۆ تەمىرجولشىلاردى شاعىن نەسيە بەرۋ كولەمىنىڭ ارتۋى مەن ەلىمىزدىڭ ورتالىق جانە سولتۇستىك وڭىرلەرىن گازبەن قامتاماسىز ەتۋدىڭ كەلەشەگى جايىندا حاباردار ەتتى. كەزدەسۋگە ءماجىلىس دەپۋتاتى شايماردان نۇرىموۆ تا قاتىستى.
* * *
سەنات دەپۋتاتتارى ەربولات مۇقاەۆ پەن ناريمان تورەعاليەۆ ورال گاز, مۇناي جانە سالالىق تەحنولوگيالار كوللەدجىندە بولدى.
قازىر بۇل وقۋ ورنىنداعى 2400 وقۋشىنىڭ باسىم بولىگى شالعاي اۋىلداردان كەلىپ وقيدى. سوندىقتان ولار ءۇشىن باسپانا ماسەلەسى ماڭىزدى بولعاندىقتان, پرەزيدەنتتىڭ باستاماسىنا ساي جاتاقحانا سالۋ جوسپارلانىپ وتىر.
– ءبىز ەلباسىنىڭ بەس الەۋمەتتىك باستاماسىن ىسكە اسىرۋعا بار كۇش-جىگەرىمىزدى سالۋىمىز كەرەك. سول كەزدە بۇل ماسەلە تولىقتاي شەشىلەدى دەپ سەنەمىن, – دەدى ن.تورەعاليەۆ.
سەناتورلار ەلىمىزدە بىلىكتى ماماندارعا سۇرانىس جوعارى ەكەنىن, سوندىقتان مەملەكەت تاراپىنان جاستارعا قوسىمشا گرانتتار بولىنەتىنىن ايتتى.
* * *
پارلامەنت سەناتىنىڭ دەپۋتاتى سەرگەي ەرشوۆ تەمىرتاۋ جوعارى پوليتەحنيكالىق كوللەدجى ستۋدەنتتەرىمەن جانە وقىتۋشىلارىمەن كەزدەستى.
ول ستۋدەنتتەرگە مەملەكەت باسشىسىنىڭ بەس الەۋمەتتىك باستاماسىنىڭ ءمان-ماڭىزىن جان-جاقتى ءتۇسىندىرىپ, قويىلعان ساۋالدارعا جاۋاپ بەردى.
شاراعا قاتىسۋشىلار كوللەدج تۇلەكتەرىن جۇمىسقا ورنالاستىرۋ, قاجەت ماماندار دەرەكتەرى ەنگىزىلەتىن بىرىڭعاي بازا قۇرۋ, وقىتۋشىلاردىڭ بىلىكتىلىك دارەجەلەرىنە جانە تاجىريبەلىك جۇمىستارىنا قوسىمشا اقى تولەۋ ماسەلەلەرىنە دە نازار اۋداردى. ستۋدەنتتەر مەن مۇعالىمدەر تەمىرتاۋ قالاسىنىڭ ەكولوگياسىنا بايلانىستى وزەكتى ماسەلەلەرگە الاڭداۋشىلىق ءبىلدىردى.
سەناتور بۇل ماسەلەنى شەشۋ ءۇشىن جۇمىس توبىن قۇرۋدى ۇسىندى.
* * *
ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى سولتۇستىك قازاقستان وبلىسىنا جۇمىس ساپارى اياسىندا اققايىڭ, قىزىلجار جانە مامليۋت اۋداندارىنا باردى. حالىقپەن كەزدەسۋلەردە ماجىلىسمەندەر پرەزيدەنتتىڭ بەس الەۋمەتتىك باستامالارى تۋرالى ايتىپ, اۋىل تۇرعىندارىنىڭ ساۋالدارىنا جاۋاپ بەردى, سونداي-اق بىرقاتار كاسىپورىنداردىڭ جۇمىسىمەن تانىستى.
اتاپ ايتقاندا, ايزادا قۇرمانوۆا جانە ايگۇل نۇركينا قىزىلجار اۋدانىنا ساپارى بارىسىندا «زەنچەنكو جانە ك» كوممانديتتىك سەرىكتەستىگىنىڭ ۇجىمىمەن كەزدەستى. كاسىپورىن ەت جانە ءسۇت ونىمدەرىن وندىرۋگە جانە ساتۋعا ماماندانعان ءارى اسىل تۇقىمدى مال شارۋاشىلىعىمەن دە اينالىسادى.
ال مامليۋت اۋدانى ۆوسكرەسەنوۆكا سەلوسىندا دەپۋتاتتار سۆەتلانا بىچكوۆا جانە ءجاميلا نۇرمانبەتوۆا اۋداننىڭ بىرقاتار شاعىن جيناقتى مەكتەپتەرىن بىرىكتىرەتىن رەسۋرستىق ورتالىققا باردى, سونداي-اق پەداگوگيكالىق ۇجىمىمەن كەزدەسىپ, ءبىلىم بەرۋدى دامىتۋ جانە بەس الەۋمەتتىك باستامالاردى ىسكە اسىرۋ ماسەلەلەرىن تالقىلادى.
سونىمەن قاتار كەزدەسۋگە قاتىسۋشىلار قوسىمشا بولىنەتىن گرانتتار ەسەبىنەن ءبىلىم بەرۋدىڭ ساپاسىن جاقسارتۋ جايىنا دا توقتالدى. بۇدان باسقا, ەلىمىزدە سالىناتىن 75 مىڭ ورىندىق جاتاقحانانىڭ 2300-ءى سولتۇستىك قازاقستان وبلىسىندا بوي كوتەرەتىندىگى بەلگىلى بولدى.
اققايىڭ اۋدانىندا دەپۋتاتتار قانات مۋسين مەن الەكساندر سۋسلوۆ جەرگىلىكتى اۋىل شارۋاشىلىعى تاۋارىن وندىرۋشىلەرىمەن شاعىن نەسيەلەندىرۋ ماسەلەلەرىن تالقىلادى. كەزدەسۋدە ولار اۋىل كاسىپكەرلىگىن دامىتۋدىڭ ماڭىزدىلىعى تۋرالى ايتتى. سونداي-اق قيالى اگرارلىق كوللەدجىنىڭ جۇمىسىمەن تانىستى.
* * *
ال ءماجىلىس دەپۋتاتتارى باقىتگۇل حامەنوۆا, يرينا ۋنجاكوۆا, تاراس حيتۋوۆ پەن گەننادي شيپوۆسكيح ماڭعىستاۋ اۋدانىنىڭ شەتپە كەنتىندە ورنالاسقان «كاسپي تسەمەنت» زاۋىتى ۇجىمىمەن كەزدەستى. بۇل زاۋىت نەمىس تەحنولوگياسى بويىنشا «حايدەلبەرگ» ماركاسىمەن تسەمەنت شىعارادى. ول – ءوندىرىس كەزىندە قۇرعاق بور پايدالاناتىن الەمدەگى العاشقى زاۋىتتاردىڭ ءبىرى. وندىرىستىك قۋاتى جىلىنا 800 مىڭ توننانى قۇرايدى. «كاسپي تسەمەنت» زاۋىتى ايماقتىڭ ەكونوميكالىق دامۋىنا ۇلكەن ۇلەس قوسىپ كەلەدى. جەرگىلىكتى تۇرعىنداردىڭ 60 پايىزى وسىندا جۇمىس ىستەيدى.
كەزدەسۋدە جۇمىسشىلار دەپۋتاتتارعا وزدەرىن تولعاندىرعان سۇراقتاردى قويىپ, پىكىر الماستى.
* * *
ماجىلىستەگى «حالىق كوممۋنيستەرى» فراكتسياسىنىڭ مۇشەسى تۇرعىن سىزدىقوۆ استانا قالاسىندا ءىىم توتەنشە جاعدايلار دەپارتامەنتى ۇجىمىمەن كەزدەستى.
دەپۋتات ءورت ءسوندىرۋ ءبولىمىنىڭ قازىرگى تىنىس-تىرشىلىگىمەن تانىسىپ, زاماناۋي تەحنيكالىق قوندىرعىلارعا نازار اۋداردى. قۇرىلىمنىڭ جەكە قۇرامىمەن كەزدەسۋ بارىسىندا ەلباسىنىڭ بەس الەۋمەتتىك باستاما اڭگىمەگە ارقاۋ بولدى.
سونىمەن قاتار تەحنيكالىق جاراقتاندىرۋ مەن قىزمەتكەرلەردىڭ الەۋمەتتىك جاعدايىن جاقسارتۋ تاقىرىبى دا نازاردان تىس قالمادى.
