01 جەلتوقسان، 2011

زامانداسىمىزدى ماقتان تۇتامىز

188 رەت كورسەتىلدى
وسىدان جيىرما جىل بۇرىنعى بۇكىلحالىقتىق العاشقى سايلاۋ كۇنى بۇگىنگە دەيىن ەسىمدە. ءدال سودان ءبىر جىل بۇرىن مەن سەمەي ەت جانە ءسۇت ونەركاسىبى ينستيتۋتىنىڭ رەكتورى بولىپ تاعايىندالعان ەدىم. ال سايلاۋ وتكەلى جاتقان شاقتا ەلۋ جىلدىق مەرەيتويىما دايىن­دالىپ جاتقان بولاتىنمىن. مىناداي جاۋاپتى ساتتە ءبارىن جيىپ قويىپ، العاشقى پرەزيدەنت سايلاۋىنىڭ دايىندىق جۇمىستارىنا كىرىسىپ كەتتىم. زامانداسىمنىڭ ىسكەرلىك قابىلەت-قارىمىنا ءبىراز جىلدان بەرى سىرتتاي بولسا دا قانىق بولعاندىقتان ورتاق ماقسات جولىندا ايانىپ قالعاندى ءجون كورمەگەنبىز. سولايشا ءبىزدىڭ ينستيتۋت ۇجىمى مەن ستۋدەنتتەر قاۋىمى العاشقى پرەزيدەنت سايلاۋىنا ءبىر كىسىدەي ۇيىمشىلدىقپەن قاتىسىپ، ءوز تاڭداۋلا­رىن جاسادى. سول جولى  سەمەيلىكتەر، جالپى قازاقستاندىقتار سايلاۋعا زور بەلسەندىلىكپەن قاتىسىپ، داۋىس بەرۋشىلەردىڭ 98،78 پايىزى نۇرسۇلتان ءابىش ۇلىنىڭ كانديداتۋراسىن قولداعانى دا ەسىمىزدە. ءسويتىپ، سايلاۋ سوڭى حالىقتىق مەرەكەگە ۇلاستى. ال ارادا ەكى اپتاداي ۋاقىت وتكەن سوڭ ەل تاۋەلسىزدىگى جا­ريا­لاندى. سونىڭ ءبارى پەيىلىمىزدىڭ دۇرىس­تىعىنىڭ ارقاسى دەپ بىلەمىن. سودان بەرىدە دە زامانداسقا دەگەن سەنىمىم مەن قۇرمەتىم ارتپاسا، كەمىگەن ەمەس. قولىمنان كەلگەنشە ەلگە ەتەنە ەلباسىن قولداپ، قۋاتتاپ كەلەمىن. سونىڭ ايعاعىنداي، پرەزيدەنت سايلاۋلارىندا بىردە اۋماقتىق سايلاۋ كوميس­سياسىنىڭ توراعاسى بولسام، ال وتكەن جىلى قازاقستان رەسپۋبليكاسى پرەزيدەنتىن كەزەكتەن تىس سايلاۋ كەزىندە مەملەكەت باس­شىسىنىڭ وسىنداعى سەنىمدى وكىلى بولدىم. حالىقتىڭ سوڭعى سايلاۋداعى ەلباسىنا دەگەن سەنىمى دە بارشامىزدىڭ ەسىمىزدە. ال حالىق سەنىمىنەن ارتىق نە كەرەك! ءيا، 40-شى جىل­دارى تۋعان بىزدەر زامانداسىمىزدى ماقتان تۇتامىز! نادىربەك اپسالەموۆ، قازاق قارجى-ەكونوميكالىق اكادەمياسىنىڭ پرەزيدەنتى. سەمەي.
سوڭعى جاڭالىقتار

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار