قاشاندا قالاۋىمىز نازارباەۆ

ءسوز باسىندا بىردەن ايتسام, مەن تاعدىرىما ريزامىن. تاعدىرىم تە­مىر­­­تاۋعا توعىسقانىنا, وسىن­دا ۇلكەن ەڭبەك ور­تاسىمەن تابىسقانىما, قا­زاقستان رەس­پۋبليكا­سى­نىڭ بولاشاق تۇڭعىش پرەزيدەنتى نۇرسۇلتان نازارباەۆپەن بىرگە العاشقى شويىندى قورىتۋعا قاتىسقانىما, ءبىراز جىل قويان-قولتىقتاسا جۇمىس ىستەگەنىمە, ارامىزداعى سىيلاستىق قاتىناس ساق­تالىپ قالۋىنا ريزامىن. وسىدان ەلۋ جىل بۇرىن  ۋكراينانىڭ ماريۋپول قالاسىنان  الىستاعى قازاق­ستان­عا كەلگەنىمدە, كەلەشەك ءومىرىمنىڭ بۇلاي بولارىن بولجاي الماپ ەدىم. تەمىرتاۋ  ءبارى­مىزگە ۇلكەن ەڭبەك مەكتەبى رەتىندە ىستىق.باقىتقا بولەدى. اتاق-ابىرويىمىزدى بيىكتەتتى. ءبىز ەڭبەك ارداگەرلەرى ەلىمىز ومىرىندەگى ەلەۋلى وقيعالاردى ەسىمىزدە جاقسى ساقتاپ كەلەمىز. سونىڭ ىشىندە, نۇرسۇلتان ءابىش ۇلى نازارباەۆتىڭ قازاقستان پرەزيدەنتى بولىپ سايلانعان 1991 جىلدىڭ 1 جەلتوقسانىن  بۇل عۇمىرىمىزدا ۇمىتپاق ەمەسپىز. ول ءبارى­مىزگە مەرەكەلى كۇندەي بولىپ قالعاندىعى­مەن قىمبات. مەملەكەت باسشىسىن بۇكىل حالىق بولىپ سايلاۋعا ءبىزدىڭ قۋانىشىمىز بولەك بولدى. ويتكەنى,  نۇرسۇلتان نازار­باەۆ­تىڭ قولىنان عانا ەل باسقارۋ كەلەتىنى, بيىك سەنىمدى باسقا ەشكىم  اقتاي المايتىنى جۇرتقا  انىق ەدى. ءوز ورتامىزدان قانات قاق­قان ازاماتتىڭ سوعان لايىقتىعى ماقتا­نىش تا تۇتىلدى. مەنىڭ وتباسىم مەتاللۋرگتەر اۋلەتى سانالادى. ءوزىمنىڭ, جۇبايىمنىڭ, ءىنىمنىڭ, بالالارىمنىڭ كومبيناتتاعى جالپى ەڭبەك ءوتىلى 200 جىلدان اسادى. مىنە, وسى شوعىر­لى اۋلەتىمىزبەن جۇپ جازباي سايلاۋعا قاتى­سىپ, تۇگەلىمىز  نۇرسۇلتان ءابىش ۇلى ءۇشىن داۋىس بەردىك. سودان بەرى بۇل اۋلەتىمىزدەگى بەرىك ءۇردىس. قازاقستاننىڭ الەمدەگى ىرگەلى مەملەكەت­تەردىڭ قاتارىنا قوسىلۋى, دامۋدىڭ جاڭا دەڭگەيىنە كوتەرىلۋى, باۋىرمالدىق مەن تۋىسقاندىقتىڭ, شاڭىراعى تانىلۋى  ەڭ الدىمەن, ەلباسىنىڭ  ساليقالى, كورەگەندىك ساياساتىنىڭ جەمىسى ەكەنى داۋسىز. ءبىزدىڭ كوڭىلىمىزگە جىلى جاعاتىنى,  جۇرەككە جا­قىن تارتاتىنى وسى مەرەيلى باعىت-ماقسات. سوندىقتان, قاشاندا قالايتىنىمىز دا, تاڭدايتىنىمىز دا نۇرسۇلتان نازارباەۆ! ۆلاديمير كولباسا, ەڭبەك ارداگەرى. تەمىرتاۋ.