«رۋحانيات»

سەيسەنبى كۇنى سايلاۋالدى دوداعا «رۋحانيات» پارتياسى دا ىلەسىپ, كەزەكتەن تىس VIII سەزىن وتكىزدى. جيىندى پارتيا توراعاسى سەرىكجان مامبەتالين اشىپ, سەزگە قازاقستاننىڭ 14 وبلىسى مەن استانا جانە الماتى قالالارىنان 203 دەلەگات قاتىسىپ وتىرعاندىعىن مالىمدەدى. بۇل پارتيانىڭ باستى جاڭالىعى – تىركەلمەگەن «حالىق رۋحى» پارتياسىمەن بىرىككەندىگى. ەندىگى جەردە پارلامەنت ءماجىلىسى مەن ءماسلي­حاتتار سايلاۋىنا «رۋحانيات» پارتياسى مەن تىركەلمەگەن «حالىق رۋحى» پارتياسى ۇمىتكەرلەردى بىرلەسىپ ۇسىنباق. كەشەگىگە دەيىن جەتەكشىلەرى التىنشاش جاعانوۆا بولىپ كەلگەن پارتيانىڭ «رۋحانيات» جا­سىل­دار پارتياسى دەگەن دە اتاۋى بار. سونىمەن, سەگىزىنشى سەزدىڭ توراعاسى بولىپ سايلانعان كومپوزيتور قالدىبەك قۇرمانالى جيىندا قازاقستان رەسپۋبليكاسىنىڭ 2002 جىلعى 15 شىلدەدەگى جانە باسقا دا زاڭدارىمەن ەنگىزىلگەن وزگەرىستەرگە سۇيەنىپ, تىركەلمەگەن «حالىق رۋحى» پارتياسىمەن قوسىلعالى وتىرعاندىقتارىن ايتىپ, ءسوزدى وسى پار­تيانىڭ توراعاسى مۇحتار شاحانوۆقا بەردى. قوعامىمىزدىڭ بۇگىنگى جاي-كۇيىن سارالاي كەلە, ءارى بىزگە سەنىم بىلدىرگەن «حالىق رۋحى» پارتياسى مۇشەلەرىنىڭ ءبىزدى ساياسي كۇرەس ناۋقانىنا شاقىرعان تالاپ-تىلەكتەرىنە وراي جانە پارتيانىڭ ورتالىق كەڭەسى ءتورال­قاسىنىڭ شەشىمىمەن «رۋحانيات» پار­تياسىنا قو­سىلعاندى ءجون كوردىك. راس, بىزگە رەس­پۋبليكا­مىزداعى وزگە دە ساياسي پار­تيالاردان پارلامەنت سايلاۋى ناۋقانىنا بايلا­نىستى بىرلەسە كۇرەسۋ تۋرالى ۇسىنىستار ءتۇستى. الايدا, ءبىز اقىلداسا كەلە, «رۋحانيات» پارتياسىنا توقتال­دىق, دەدى مۇح­تار شاحانوۆ. ونىڭ ايتۋىنشا, «رۋحانيات» پار­تياسىنىڭ تىزگىنى سەرىكجان مامبەتاليننىڭ قولىنا وتكەلى بەرى بۇل پارتيا جاڭا باعىت ۇستانا باستاعان. وسىدان كەيىن سەرىكجان مامبەتالين ەكى پارتيا­نىڭ قوسىلۋىنا بايلانىستى تۋىندايتىن زاڭدىق كەدەرگىلەر تۋرالى شاحانوۆتىڭ ايتىپ وتكەنىن, سوعان وراي «رۋحانيات» پارتياسىنىڭ جارعىسىنا وزگەرىس ەنگىزىلگەنىن اتاپ كورسەتتى. مەن وزدەرىڭىزدىڭ سۇيىكتى اقىندارىڭىز مۇحتار شاحانوۆتى «رۋحانيات» پار­تياسىنىڭ قوعام­دىق كوشباسشىسى جانە رۋحاني ليدەرى ەتىپ سايلاۋدى ۇسىنامىن, دەدى مامبەتالين. بۇل ۇسىنىس تا داۋىسقا ءتۇسىپ, پارتيا مۇشەلەرى تانىمال اقىندى ءبىراۋىزدان وزدەرىنىڭ جەتەكشىسى دەپ قا­بىلدادى. جاڭا كوشباسشىلارىن تورگە وزدىرعان پارتيا ودان ءارى پارلامەنت ءماجىلىسى سايلاۋىنا وراي, سايلاۋالدى باعدارلا­ماسىن قابىلدادى. باعدارلا­مامەن پارتيا مۇشەسى, بەلگىلى عالىم جانۇزاق اكىم تانىستىرىپ شىقتى. پارتيانىڭ سايلاۋالدى باعدارلاماسى بەكىتىلگەننەن كەيىن, قۇرىلتايشىلار كۇن ءتارتىبى بويىنشا, ءماجىلىس دەپۋتاتتىعىنا كانديداتتار ءتىزىمىن جاريا­لادى. 35 ادام پارلامەنت ءماجىلىسىنىڭ دەپۋتاتتىعىنا كانديدات رەتىندە ۇسىنىلدى. «رۋحانيات» پارتياسى وزدەرى ۇسىنعان كاندي­داتتاردىڭ بارلىعى دەرلىك جوعارى ءبىلىمدى, ساياساتتان حابارى بار, كوزى اشىق ادامدار ەكەندىگىن العا تارتتى. ايناش ەسالي, الماتى.