01 جەلتوقسان، 2011

ءبىرىنشى ورىنباسارلىققا تاعايىندالدى

202 رەت كورسەتىلدى
شىعىس قازاقستان وبلىسىنىڭ اكىمى بەردىبەك ساپارباەۆ بۇعان دەيىن ءوزىنىڭ ورىنباسارى بولعان ءتۇسىپحان ءتۇسىپ­بەكوۆتى «نۇر وتان» پارتياسى فيليالى اپپاراتى جيىنىندا وبلىستىق فيليال توراعا­سىنىڭ ءبىرىنشى ورىنباسارى قىز­مەتىنە تاعايىندادى. – ءبىرازدان بەرى «نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى لاۋازىمى بوس تۇرعان. ءبىز پرەزيدەنت اكىمشىلىگى، پارتيانىڭ ورتا­لىق اپپاراتى كەلىسىمىمەن وسى ورىنعا مەملەكەتتىك قىزمەتتە شىڭدال­عان، ءتاجى­ريبەلى دە بىلىكتى باسشى، بۇعان دەيىن بىرنەشە وبلىستىق باسقارما­لاردى، اۋداندى باسقارعان، ەكى جىلداي مە­نىڭ ورىنبا­سارىم بولىپ جەمىستى جۇ­مىس جاساعان ت. تۇسىپبەكوۆتى وسى جاۋاپ­تى قىزمەتكە قويۋدى ۇيعاردىق، – دەدى ءوڭىر باسشىسى. پارتيانىڭ بەدەلى جوعارى بولۋى ءتيىس. جاقىندا ەلىمىز تاۋەلسىزدىكتىڭ 20 جىل­دىعىن اتاپ وتپەك. ارعى جاعىندا پارلامەنت سايلاۋى تۇر. ەل مەن جەردىڭ ابىرويىن ارتتىرۋ ءۇشىن ايانباي ەڭبەك ەتۋ قاجەت. «ەلباسىنىڭ پارتياسى ارقا­شان حالىقپەن بىرگە بولۋى ءۇشىن جۇمىس جاساي بەرەمىز»، – دەدى ت. تۇسىپبەكوۆ سەنىم ارتقانى ءۇشىن ايماق باسشىسىنا العىسىن بىلدىرە كەلىپ. وڭداسىن ەلۋباي، وسكەمەن.  
سوڭعى جاڭالىقتار

العاشقى كۇنى – ەكى قولا

سپورت • بۇگىن، 20:25

ۇقساس جاڭالىقتار