جەر جاراسى جازىلعانداي

كەڭەس وكىمەتىنىڭ زور­لى­عىن قاتتى كەشكەن ءوڭىر سەمەي بولدى دەسەم, ەش قا­تە ايت­­­قان­دىق بولماس. مەن قاي­­نار اۋى­لى­نىڭ تۇر­عى­نى­مىن. اتوم جا­رىلىسى بول­عان كەزدە ءبىز مال ازى­عىن دا­يىنداپ ءجۇر­گەنبىز. جوعارى­دان پىشەن دايارلاۋ قاجەت دەپ بەرىلگەن تاپ­سىر­مامىز بار, اسكەري­لەر كوشىرىپ تاس­تا­عان ۋاقىتىندا ولار قىر اسىپ كەتكەن سوڭ باياعى ورنى­مىزعا قايتىپ كەلىپ, ءشوپ وراتىن­بىز. ويتكەنى, بىزگە جوعا­رى­عا ءمالى­مەت بەرۋ كەرەك ەدى. سۋ ىشپە دەيدى, قايدان, شولدەپ ءجۇر­گەن تراك­تور­شىلار ىشۋگە بولماي­تىن قۇدىق­تار­دان سۋ ىشەتىن. سول جەردىڭ تۋىپ-وسكەن ازا­ماتى بولعاندىقتان 40 جىلعى جارىلىس­تى كوزىمىز كوردى. قازىر مەنىڭ 3 بالام مۇگەدەك. زەينەتكەرلىككە شىق­قان­نان كەيىن بۇۇ دامۋ باعدار­لاماسى بو­يىن­شا سەمەي پولي­گو­نىنان زارداپ شەككەن اۋىلداردىڭ الەۋمەتتىك جاع­دا­يىن جاقسارتۋعا ماقساتتى قاي­تا­رىمسىز گرانتتار بەرىلەدى دەگەن سوڭ سونى الۋ ءۇشىن جۇمىس جاساپ, جەڭىپ ال­دىم. حا­­­لىق­ارا­لىق قور­لار مەن ءوز ەلىمىزدەگى ءتۇرلى جوبالارعا قاتى­سىپ, 13 باعدار­لا­ما­نى ءجۇ­زە­گە اسىردىق. ءناتي­جە­س­ىندە, ءبىر اۋىلدا كلۋب, ءبىر اۋىلدا ەمحانا, ءبىر اۋىلدا با­لا­­باق­شا مەن باس­تاۋىش مەكتەپ سال­دىق. ۇكى­مەتتىك ەمەس ۇيىمدار­دىڭ قو­لى­­نان ەگەر ىنتا بولسا بارلىعى كەلەتىنىنە جۇرت­شى­لىق­تىڭ كوزى جەت­تى. قازىر بۇ­رىنعىداي ەمەس, بيلىك تە بىزبەن بىرىگە قي­مىل­داۋ­عا ءازىر­لىكتەرىن بىلدىرەدى. جالپى, اتامىز قازاق ايتقانداي, «جۇمىلا كوتەرگەن جۇك قاشاندا جەڭىل» عوي. بىراق پوليگوننىڭ ۋىن ىشكەن حالىق ءۇشىن بۇل اتقارىلىپ جۇرگەن جۇمىستار تىم از. اۋدان جۇرت­شى­لىعى قاجەت قاعا­زىن الۋ ءۇشىن سەمەيگە جول تار­تۋى ءتيىس, بۇل ونسىز دا ىڭىر­شاعى اينالىپ وتىرعان ەلگە وڭاي شارۋا ەمەس. دەگەنمەن, 20 جىل ىشىندە جەر جاراسى جازىلىپ قالعانداي. وسى­عان قۋانامىز. ءومىرجان جاقىپوۆ, «بىرلەستىك» قوعامدىق قورىنىڭ پرەزيدەنتى. سەمەي.