"28-29 ناۋرىز كۇندەرى بىزگە شامامەن 30 ادام كەلىپ ءتۇستى, 30 ناۋرىزدا ەڭ جوعارعى كورسەتكىش بولدى – 79 ادام, سودان كەيىن 31 ناۋرىزدا تاعى 52 ادام مەديتسينالىق كومەككە جۇگىندى. جالپى اۋرۋحاناعا ۋلانۋ دياگنوزىمەن 188 ادام كەلىپ ءتۇستى", - دەدى ول.
بۇعان دەيىن وقو دەنساۋلىق ساقتاۋ باسقارماسى 60 ادامنىڭ بالمۇزداقتان ۋلانعانى تۋرالى اقپارات تاراتقان. بەلگىلى بولعانداي, بارلىق زارداپ شەككەندەر جەمىستى جۇمساق بالمۇزداق جەگەن. بالمۇزداقتار جەكە كاسىپكەر م.يشمۋراتوۆاعا تيەسىلى رەسپۋبليكا داڭعىلى بويىنداعى ساۋدا نۇكتەسىنەن ساتىپ الىنعان.
الدىن الا مالىمەت بويىنشا, بالمۇزداق قوسپاسى ءۇي جاعدايىندا جاسالعان. وسىعان وراي بالمۇزداقتى دايىنداۋ جانە ساتۋ تالاپتارىنىڭ ساقتالۋىنا بايلانىستى تەكسەرۋ جۇمىستارى باستالدى.
ايتا كەتەيىك, وڭتۇستىك قازاقستان وبلىسىنىڭ اكىمى جانسەيىت تۇيمەباەۆ بالمۇزداق جەپ, ىشەك ينفەكتسياسىن جۇقتىرعان ناۋقاستاردىڭ جاعدايىمەن تانىسقان بولاتىن.
