كەشە كەشقۇرىم اقوردانىڭ الدىنداعى الاڭدا مەملەكەت باسشىسى نۇرسۇلتان نازارباەۆتىڭ قاتىسۋىمەن ەلىمىزدىڭ باس جاڭاجىلدىق شىرشاسىن جاعۋ ءراسىمى ءوتتى. باس شىرشانىڭ سان الۋان شامدارى جارقىراي جانىپ, ونى قىزىقتاۋعا ءۇش مىڭعا جۋىق بالا مەن ەرەسەك جينالدى.
بۇل كۇنى ەلوردا ەرەكشە نۇرعا مالىنىپ, ناعىز مەرەكەلىك شاتتىققا ەندى. ەل تاۋەلسىزدىگىنىڭ ايتۋلى بەلەسىن ايشىقتايتىن پاننولار, ۇران سوزدەر كوشەلەرگە ءىلىنىپ, مەرەيتوي ءارىن اشا ءتۇستى. ەل تىلەگى ماقساتتاس, مۇددەلەس ەكەنىن وسىدان-اق اڭعارۋعا بولادى.
استانا تۇرعىندارى مەن قوناقتارى الدىندا سويلەگەن ءسوزىندە پرەزيدەنت اقوردا الدىنداعى قازاقستاننىڭ باستى الاڭىندا جاڭاجىلدىق شىرشانى جاعۋ سالتاناتى جىلداعى داستۇرگە اينالعانىن, باس شىرشا شامدارى جانعاننان كەيىن ەلىمىزدىڭ بارلىق جەرلەرىندە ورنالاسقان شىرشالاردىڭ شامدارى بىرگە تۇتاناتىنىن اتاپ كورسەتتى.
– بيىلعى جىل – ەلىمىز ءۇشىن ەرەكشە جىل. ول ەل تاۋەلسىزدىگىنىڭ 20 جىلدىعىن مەرەكەلەۋ قارساڭىندا ءوتىپ وتىر. بۇل – ءبارىمىز ءۇشىن ايتۋلى مەرەيتوي. جاڭاجىلدىق مەرەكە – بۇل ەرتەگىدەي كورىنەتىن, ارماندارى ورىندالاتىن, بولاشاققا جوسپار قۇراتىن ارقاشان بالالاردىڭ مەرەكەسى. ءبىز سەندەر ءۇشىن ەڭبەك ەتتىك, سەندەردىڭ باقىتتى بولۋلارىڭ ءۇشىن جۇمىس ىستەدىك. سەندەردىڭ مىندەتتەرىڭ – جاقسى وقۋ, ءبىزدىڭ ۇلى وتانىمىزدىڭ لايىقتى ازاماتى بولۋ. ءبىز جيىرما جىلدىقتى مەرەكەلەيمىز, تابىستاردى اتاپ وتەمىز. بولاشاققا جوسپار قۇرامىز. ال, ءبىزدىڭ بولاشاعىمىز – سەندەرسىڭدەر. سەندەرگە, ءبىزدىڭ بالالارىمىزعا مەن جاڭا جىلدا مول باقىت, مىقتى دەنساۋلىق تىلەيمىن. ءبىزدىڭ ەلىمىز گۇلدەنە بەرسىن, ءبىزدىڭ بالالارىمىز باقىتتى بولسىن, – دەدى نۇرسۇلتان نازارباەۆ.
پرەزيدەنت بارشا قازاقستاندىقتارعا جاڭا تابىستار, زور دەنساۋلىق, باقىت جانە يگىلىك تىلەدى.
بيىكتىگى 25 مەتردى قۇرايتىن, 2 مىڭنان استام ويىنشىقتارمەن, 925 ستروبوسكوپپەن, 345 جارىق ديودتى قار ۇشقىندارىمەن بەزەندىرىلگەن باس شىرشانىڭ شامدارى سامالاداي جارقىراپ, نۇرىن توگۋى مۇڭ ەكەن, اينالا ءجۇزدەرىن اياز ءسۇيىپ, سۋىق سورعان ءبۇلدىرشىندەردىڭ سىڭعىرلاعان كۇمىس كۇلكىلەرىنە, شات-شادىمان اۋەنگە تولىپ سالا بەردى. مىڭ بۇرالعان بيلەر ساحنا ءسانىن كەلتىردى. اسەم ءان اۋەلەپ, استانا كوگىندە قالىقتادى. اياز اتا مەن اقشاقاردىڭ قاتىسۋىمەن تەاترلاندىرىلعان كورىنىس قويىلدى. ەرتەگىلەر كەيىپكەرلەرى كەش شىرايىن اشا ءتۇستى.
ەلباسىمەن بىرگە باس شىرشانى جاعۋ قۇرمەتىنە يە بولعان بالالاردىڭ كوڭىلدەرى كوتەرىڭكى. سولاردىڭ ءبىرى ينديرا ساركەنوۆانى اڭگىمەگە تارتتىق. ج.جاباەۆ اتىنداعى №4 مەكتەپ-گيمنازيانىڭ 5 سىنىپ وقۋشىسى مۇنداي قىزىققا العاش قاتىسىپ وتىرعانىن, ءوزىن شىن باقىتتى سەزىنەتىنىن شاتتىقپەن جەتكىزدى.
ال استانا قالالىق ءبىلىم باسقارماسىنىڭ قىزمەتكەرلەرى ءتاۋەلسىزدىك مەرەكەسىنە ۇلكەن ءازىرلىكتەر جاساپ جاتقاندارىن, بۇگىنگى شاراعا مىڭداعان وقۋشىلاردىڭ بەلسەنە اتسالىسقاندارىن, كوپ بالالى وتباسىلاردىڭ, اتا-انانىڭ قامقورلىعىنسىز قالعان ءبىر مىڭداي بالاعا پرەزيدەنت سىيلىعى تاپسىرىلعانىن اتاپ كورسەتتى.
ماقپال ءتۇندى سامالاداي جارقىراتىپ تۇرعان باس شىرشامەن بىرگە استانادا 30 جاڭاجىلدىق شىرشا ورناتىلىپ, شامدارى ءبىر ساتتە جارقىرادى. اقوردا الدىنداعى الاڭدا وتكەن جاڭاجىلدىق شىرشانىڭ جاعىلۋى مەرەكەلىك وتشاشۋعا ۇلاستى.
ءومىر ەسقالي,
سۋرەتتەردى تۇسىرگەندەر س.بوندارەنكو, ب.وتارباەۆ.
بۇل كۇنى ەلوردا ەرەكشە نۇرعا مالىنىپ, ناعىز مەرەكەلىك شاتتىققا ەندى. ەل تاۋەلسىزدىگىنىڭ ايتۋلى بەلەسىن ايشىقتايتىن پاننولار, ۇران سوزدەر كوشەلەرگە ءىلىنىپ, مەرەيتوي ءارىن اشا ءتۇستى. ەل تىلەگى ماقساتتاس, مۇددەلەس ەكەنىن وسىدان-اق اڭعارۋعا بولادى.
استانا تۇرعىندارى مەن قوناقتارى الدىندا سويلەگەن ءسوزىندە پرەزيدەنت اقوردا الدىنداعى قازاقستاننىڭ باستى الاڭىندا جاڭاجىلدىق شىرشانى جاعۋ سالتاناتى جىلداعى داستۇرگە اينالعانىن, باس شىرشا شامدارى جانعاننان كەيىن ەلىمىزدىڭ بارلىق جەرلەرىندە ورنالاسقان شىرشالاردىڭ شامدارى بىرگە تۇتاناتىنىن اتاپ كورسەتتى.
– بيىلعى جىل – ەلىمىز ءۇشىن ەرەكشە جىل. ول ەل تاۋەلسىزدىگىنىڭ 20 جىلدىعىن مەرەكەلەۋ قارساڭىندا ءوتىپ وتىر. بۇل – ءبارىمىز ءۇشىن ايتۋلى مەرەيتوي. جاڭاجىلدىق مەرەكە – بۇل ەرتەگىدەي كورىنەتىن, ارماندارى ورىندالاتىن, بولاشاققا جوسپار قۇراتىن ارقاشان بالالاردىڭ مەرەكەسى. ءبىز سەندەر ءۇشىن ەڭبەك ەتتىك, سەندەردىڭ باقىتتى بولۋلارىڭ ءۇشىن جۇمىس ىستەدىك. سەندەردىڭ مىندەتتەرىڭ – جاقسى وقۋ, ءبىزدىڭ ۇلى وتانىمىزدىڭ لايىقتى ازاماتى بولۋ. ءبىز جيىرما جىلدىقتى مەرەكەلەيمىز, تابىستاردى اتاپ وتەمىز. بولاشاققا جوسپار قۇرامىز. ال, ءبىزدىڭ بولاشاعىمىز – سەندەرسىڭدەر. سەندەرگە, ءبىزدىڭ بالالارىمىزعا مەن جاڭا جىلدا مول باقىت, مىقتى دەنساۋلىق تىلەيمىن. ءبىزدىڭ ەلىمىز گۇلدەنە بەرسىن, ءبىزدىڭ بالالارىمىز باقىتتى بولسىن, – دەدى نۇرسۇلتان نازارباەۆ.
پرەزيدەنت بارشا قازاقستاندىقتارعا جاڭا تابىستار, زور دەنساۋلىق, باقىت جانە يگىلىك تىلەدى.
بيىكتىگى 25 مەتردى قۇرايتىن, 2 مىڭنان استام ويىنشىقتارمەن, 925 ستروبوسكوپپەن, 345 جارىق ديودتى قار ۇشقىندارىمەن بەزەندىرىلگەن باس شىرشانىڭ شامدارى سامالاداي جارقىراپ, نۇرىن توگۋى مۇڭ ەكەن, اينالا ءجۇزدەرىن اياز ءسۇيىپ, سۋىق سورعان ءبۇلدىرشىندەردىڭ سىڭعىرلاعان كۇمىس كۇلكىلەرىنە, شات-شادىمان اۋەنگە تولىپ سالا بەردى. مىڭ بۇرالعان بيلەر ساحنا ءسانىن كەلتىردى. اسەم ءان اۋەلەپ, استانا كوگىندە قالىقتادى. اياز اتا مەن اقشاقاردىڭ قاتىسۋىمەن تەاترلاندىرىلعان كورىنىس قويىلدى. ەرتەگىلەر كەيىپكەرلەرى كەش شىرايىن اشا ءتۇستى.
ەلباسىمەن بىرگە باس شىرشانى جاعۋ قۇرمەتىنە يە بولعان بالالاردىڭ كوڭىلدەرى كوتەرىڭكى. سولاردىڭ ءبىرى ينديرا ساركەنوۆانى اڭگىمەگە تارتتىق. ج.جاباەۆ اتىنداعى №4 مەكتەپ-گيمنازيانىڭ 5 سىنىپ وقۋشىسى مۇنداي قىزىققا العاش قاتىسىپ وتىرعانىن, ءوزىن شىن باقىتتى سەزىنەتىنىن شاتتىقپەن جەتكىزدى.
ال استانا قالالىق ءبىلىم باسقارماسىنىڭ قىزمەتكەرلەرى ءتاۋەلسىزدىك مەرەكەسىنە ۇلكەن ءازىرلىكتەر جاساپ جاتقاندارىن, بۇگىنگى شاراعا مىڭداعان وقۋشىلاردىڭ بەلسەنە اتسالىسقاندارىن, كوپ بالالى وتباسىلاردىڭ, اتا-انانىڭ قامقورلىعىنسىز قالعان ءبىر مىڭداي بالاعا پرەزيدەنت سىيلىعى تاپسىرىلعانىن اتاپ كورسەتتى.
ماقپال ءتۇندى سامالاداي جارقىراتىپ تۇرعان باس شىرشامەن بىرگە استانادا 30 جاڭاجىلدىق شىرشا ورناتىلىپ, شامدارى ءبىر ساتتە جارقىرادى. اقوردا الدىنداعى الاڭدا وتكەن جاڭاجىلدىق شىرشانىڭ جاعىلۋى مەرەكەلىك وتشاشۋعا ۇلاستى.
ءومىر ەسقالي,
سۋرەتتەردى تۇسىرگەندەر س.بوندارەنكو, ب.وتارباەۆ.
