دارىگەرلەردىڭ ايتۋىنشا, كامەلەتكە تولماعان 18 بالا وبلىستىق جۇقپالى اۋرۋلار اۋرۋحاناسىنا ءتۇستى. سوڭعى ساعاتتىڭ وزىندە ۋلانعان ەرەسەكتەردىڭ سانى وسكەن. قازىرگى ۋاقىتتا 39 ادام اۋرۋحاناعا جەتكىزىلدى, ولاردىڭ ۇشەۋى جانساقتاۋ بولىمىندە جاتىر.
ەسكە سالا كەتەيىك, وسىعان دەيىن شىمكەنتتە 26 ادامنىڭ بالمۇزداقتان ۋلانعانى حابارلانعان بولاتىن. "كەشە ءۇش ادام جاتقىزىلدى. ارتىنان تاعى ءۇش ادام. تۇندە ۇقساس اۋرۋ بەلگىلەرىمەن 20 ادام جاتقىزىلدى. زارداپ شەككەندەر سانى 20-دان اسسا ءبىز جوعارى تۇرعان ورگانعا جازامىز. ول تۇتىنۋشىلاردى قورعاۋ دەپارتامەنتى", - دەگەن ەدى وسىعان دەيىن اۋرۋحانانىڭ باس دارىگەرى عالىمجان اينابەكوۆ.
