باقىت پەن ۇيلەسىمنىڭ ىڭكار مەكەنى

سۋرەتشىنىڭ شىعارماشى­لىق الەمگە كەلۋىنە اجەسى, قا­زاق­­­ستاننىڭ حالىق جازۋشىسى ءماريام حاكىمجانوۆانىڭ ىق­­پالى زور. سۋرەتشىنىڭ بالا كە­زىندە ولاردىڭ ۇيىنە ءسابيت مۇقانوۆ, ايشا عالىمباەۆا, عافۋ قايىربەكوۆ, فاريزا وڭ­عار­سىنوۆا, بيبىگۇل تو­لەگەنوۆا, ما­عيراش قوجاحمەتوۆا, مان­شۇك مامەتوۆانىڭ اناسى ءامي­نا اپا جانە تاعى باسقا دا وسىنداي تاماشا ادامدار ءجيى كەلىپ, قوناق بولعان. وسى سە­بەپ­تى ولاردىڭ شاڭىراعىنا ونەر مەن جىگەردىڭ كيەسى قونعان دە­سەدى. 

ءا. قاستەەۆ اتىنداعى مەم­لە­كە­تتىك ونەر مۋزەيىنە بارىپ سۋ­رەتشىنىڭ «كەڭ دالانىڭ اسەم ساۋ­لەلەرى اياسىندا» دەپ اتالعان جە­كە شىعارماشىلىق كورمەسىن تا­ماشالاۋدىڭ ءساتى ءتۇستى. كور­مە­گە سۋرەتشىنىڭ جەكە كوللەك­تسيا­سىنان الىنعان 50-دەن استام گرافيكالىق جۇمىسى قوي­ىلعان. سۋرەتشى «جازدا اعام ەكەۋ­مىزدى تۋىستارىمىزعا الىپ باراتىندىقتان, اۋىل ءومىرىنىڭ تىنىسى جانىما جاقىن بولىپ ءوستىم» دەپ ەسكە الادى. «ماڭگىلىك جىلى», «باقىت قۇسى», «اۋليە اعاش», «ەسكى قۇ­دىق», ء«تاتتى ۇيقى», «سازسىر­­ناي تارتىپ تۇرعان قىز» اتتى جۇمىستارىن ەڭ جارقىن بالالىق اسەردىڭ جالعاسى دەسەك بولادى.

«ايگۇل حاكىمجانوۆانىڭ شىعارماشىلىعىندا حالىق ەرتەگىلەرىنىڭ تاڭعاجايىپتىعى  كونە اڭىزداردىڭ قۇپيالىعى مەن ونىڭ جان سەزىمىنىڭ سۇلۋ­لى­عى ورىلە بىتكەن. ول ءوزىنىڭ ءار­بىر جۇمىسىندا كوپشىلىگى جۇم­اق دەسە, كەيبىرى بالالىق شاق دەپ اتايتىن باقىت پەن ۇي­لەسىمنىڭ عايىپ بولعان الە­مى­نە قايتا ورالىپ وتىرادى.  ايگۇلدىڭ كوركەمدىك ءستيلى مەن قولتاڭباسى, تاقىرىپتارى مەن سيۋجەتتەرى قالاي قالىپتاسىپ, قالاي وزگەرگەنىن, تۇتاستاي ال­عان­دا, ونىڭ كارتينا الەمىنىڭ قا­لاي پايدا بولعانىن كورۋگە بو­لاتىن, سونىمەن بىرگە ءار­داي­ىم بولا بەرمەيتىن مۇم­كىن­شىلىك جاسايدى», دەيدى كورمە جە­تەك­شىسى عاليا ءالي. 

ايگۇل حاكىمجانوۆا «كەر­قۇلا اتتى كەندەباي», «دانيال­دىڭ سيقىرلى تۇستەرى», «نارعىز تۋ­رالى داستان» سياقتى كوپ­تە­گەن قازاق ەرتەگىلەرى مەن با­لا­­لار كىتاپتارىنا ارناپ تا­ما­­شا يلليۋستراتسيالار جاسا­دى. ەكسپوزيتسيادا حالىق ەر­تە­گىلەرى مەن قازىرگى زامان اۆ­تور­لارىنىڭ اڭگىمەلەرىنە سا­لىنعان يلليۋستراتسيالار مەن گرا­في­كالىق ەسكيزدەر مەن ەتيۋد­تەر­دى تاماشالاۋعا بو­لا­دى. ءار شى­عارما وزىنە ءتان قاي­تا­لان­باي­تىن سيقىرىمەن ەرەك­شە­لە­نەدى. تەرەڭ ويعا تارتا تۇسەدى. ق­ىل­قالام يەسىنىڭ «قۇ­پيا­لاردان تىس» دەپ اتالعان كار­تيناسىنان تەرەزەگە تەلمىرە قاراعان ۇشەۋدى كوردىك.  بۇل سۋرەت ءۇش جەتكىنشەكتىڭ قي­مىلىن عانا ەمەس, ولاردىڭ كو­ڭىل تەرەزەسىنەن كورىنگەن تا­زالىقتى اڭعارتادى. بۇل سۋرەت – باقىت پەن ۇيلە­سى­منىڭ ىڭكار مەكەنى...

ارمان وكتيابر,
«ەگەمەن قازاقستان»

الماتى