اتالعان ءىس-شارانىڭ جوعارى دەڭگەيدە وتكىزىلۋىنە استانا قالاسى قازاقستان حالقى اسسامبلەياسى مەن استانا قالاسى اكىمدىگى جانىنداعى «قوعامدىق كەلىسىم» كوممۋنالدىق مەملەكەتتىك مەكەمەسى بەلسەندى تۇردە اتسالىستى.
قايىرىمدىلىق ءىس-شاراسى وتكەن مەكەمەدە قوزعالۋ مۇمكىندىگى شەكتەۋلى جانە ءتۇرلى قيىن جاعدايلارعا تاپ بولعان ادامدار تۇرادى. قوعام تاراپىنان ولارعا مەيىرىمدىلىك شۋاعى مەن جۇرەك جىلۋىن سىيلاۋ ءاردايىم ماڭىزدى.
مەرەكەلىك كەشتىڭ باسىندا ءسوز سويلەگەن استانا قالاسى قازاقستان حالقى اسسامبلەياسى حاتشىلىعىنىڭ مەڭگەرۋشىسى
ل. قۇسايىنوۆا ناۋرىز مەرەكەسىنىڭ ءمان-ماعىناسى مەن قايىرىمدىلىق شاراسىنىڭ ماڭىزى تۋرالى جان-جاقتى ايتىپ بەردى.
جىل باسى ناۋرىز مەرەكەسىن ۇيىمداستىرۋ قايىرىمدىلىققا باعىتتالعان ءارى ۇرپاقتار ساباقتاستىعىن جاڭا قىرىنان تانىتۋ بولىپ تابىلادى. ناۋرىز – بەرەكە مەن تىنىشتىقتىڭ نىشانى. بۇل كۇنى ادامدار ءبىر-ءبىرىن كەشىرىپ, جاڭا ءومىردىڭ كەزەڭىنە قادام باسادى. وسىلايشا, ەرەكشە سيپاتتاعى ۇلتتىق مەرەكە قازاقستان حالقىنىڭ بىرلىگىن ودان ءارى نىعايتىپ, قوعامدىق ۇيىمدار مەن مەملەكەتتىك ورگانداردىڭ ءوزارا ىنتىماعىن تاعى ءبىر مارتە ارتتىرا ءتۇستى.
اتالعان ءىس-شاراعا استانا قالاسىنىڭ ەتنومادەني بىرلەستىكتەرى قاتىسىپ, جينالعان جۇرتشىلىققا كونتسەرتتىك باعدارلاماسىن ۇسىندى. استانا قالاسى قازاقستان حالقى اسسامبلەياسى مەن استانا قالاسى اكىمدىگى جانىنداعى «قوعامدىق كەلىسىم» كمم اتىنان «شاراپات» الەۋمەتتىك قىزمەت كورسەتۋ ورتالىعىنىڭ تۇرعىندارىنا سىي-سياپات جاسالدى.
