اتالعان جۇمىستى جۇيەلەۋ ماقساتىندا قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىندە وڭىرلىك كوميسسيانىڭ العاشقى وتىرىسى ءوتتى.
كونكۋرس وڭىرلىك دەڭگەيدە العاش رەت وتكىزىلۋدە. كوميسسيا ءتورايىمىنان جانە 8 مۇشەسىنەن تۇراتىن وڭىرلىك كوميسسيا كونكۋرسقا قاتىسۋعا ءوتىنىش بىلدىرگەن 27 ۇمىتكەردىڭ قۇجاتتارىمەن جانە كونكۋرستىق كوميسسيا جۇمىسىنىڭ ەرەجەسىمەن تانىستى. سونىمەن قاتار, كوميسسيا مۇشەلەرى تەستىلەۋدەن كەيىنگى كوميسسيا مۇشەلەرىنىڭ جۇمىسىن, ۇمىتكەرلەردى ىرىكتەۋدە دەن قويىلاتىن ماسەلەلەردى قىزۋ تالقىلادى.
كونكۋرسقا قاتىسۋعا بارلىعى 27 ۇمىتكەر قۇجات تاپسىردى. لاۋازىمدارى بويىنشا 16 ۇمىتكەر باسقارما, ءبولىم باسشىلارى, 11- باس ماماندار. ۇمىتكەرلەردىڭ بارلىعى جوعارى ءبىلىمدى, ونىڭ ىشىندە 14 ۇمىتكەردىڭ 2 جانە ودان دا كوپ جوعارى ءبىلىمى بار, 5 ۇمىتكەردىڭ ماگيستر اتاعى بار. جاس ەرەكشەلىكتەرىنە قاراي 25-30 جاس ارالىعىندا – 8 ۇمىتكەر, 30-40 جاس ارالىعىندا – 15 ۇمىتكەر, 40 - 50 جاس ارالىعىندا – 4 ۇمىتكەر.
وتىرىس بارىسىندا كونكۋرسقا قاتىسۋعا ءۇمىت بىلدىرگەن 27 ۇمىتكەر جونىندە سلايدتىق كورسەتىلىم ارقىلى قىسقاشا مالىمەت بەرىلدى. قۇجات تاپسىرعان ۇمىتكەرلەردىڭ اراسىندا «بولاشاق» باعدارلاماسى بويىنشا ۇلىبريتانيانىڭ نوتتينگەم ۋنيۆەرسيتەتىن تامامداعان جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن تامامداعان مەملەكەتتىك قىزمەتشىلەردىڭ بار بولۋى قۋانتارلىق ەكەنى اتاپ ءوتىلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
