جيىن بارىسىندا اقتوبە وبلىسىندا تۋريستەر سانى تۇراقتى تۇردە ءوسىپ كەلەدى, دەپ حابارلادى وبلىستىق سىرتقى قاتىناستار جانە تۋريزم باسقارماسىنىڭ باسشىسى ەرمەك كەنجەحان ۇلى. ونىڭ ايتۋىنشا تەك 2017 جىلدىڭ ءۇشىنشى توقسانىندا قوناق ۇيلەر مەن جاتاقحانالاردا 77 مىڭنان استام قوناقتار تىركەلىپ, 2016 جىلدىڭ سايكەس كەزەڭىمەن سالىستىرعاندا 22 پايىزعا ارتتى.
ەلگە كەلۋشىلەر تۋريزمىندە ىسكەرلىك ساپارلار باسىم. ەسەسىنە وبلىسىمىزدىڭ مəدەني جəنە تاريحي مۇراسىمەن تانىسقىسى كەلەتىن ساياحاتشىلار از. مəدەني-تاريحي تۋريزم دامۋىنىڭ كەشەۋىلدەۋىنىڭ ماڭىزدى مəسەلەسى ولكەنىڭ كورىكتى جەرلەرىن دəرىپتەۋ جۇمىستارىنىڭ ناشارلىعى, قىزمەتتەر ساپاسى مەن قىزمەت كورسەتۋ مəدەنيەتىنىڭ تومەندىگى, جول بويىنداعى قىزمەتتەردى دامىتۋدىڭ ناشارلىعى بولىپ تابىلادى. وبلىس əكىمى بارلىق ايتىلعان باعىتتار بويىنشا جۇمىستاردى كۇشەيتۋدى تاپسىردى.
قىزمەت كورسەتۋ مəدەنيەتى بولۋ كەرەك. ەتيكەت, ساپالى قىزمەت - بىزدە جوقتىڭ قاسى. ءبىزدىڭ وبلىستا كورىكتى جەرلەر كوپ ەمەس, بىراق بارىمەن جۇمىس ىستەۋ كەرەك. سونداي-اق كوشپەلى مەديتسينا ءتۋريزمىن دامىتۋ قاجەت,-دەدى بەردىبەك ساپارباەۆ.
ايتا كەتەيىك, بيىل وڭىردەگى تۋريستىك ينفراقۇرىلىمدى دامىتۋ ماقساتىندا جالپى قۇنى 5,1 ملرد تەڭگە بولاتىن 30 جوبا جۇزەگە اسىرىلۋدا. اتاپ ايتقاندا, بۇل جول بويىندا قىزمەت كورسەتەتىن 20 نىسان, 7 قوناقۇي, اكۆاپارك, شيپاجاي-پانتو ەمحانا مەن دەمالىس ورنى.
بۇدان باسقا, ەرمەك كەنجەحان ۇلى «باقىتتى بالا» جوباسىن جۇزەگە اسىرۋ اياسىندا اقتوبە وبلىسىنىڭ 2 مىڭنان اسا وقۋشىسى وسى جازدا قازاقستاننىڭ كيەلى جەرلەرىنە ساياحاتتايتىندارىن مəلىمدەدى. وبلىس əكىمى ءبىلىم باسقارماسىنا جولدامالاردىڭ وقۋدا, ءتۇرلى ينتەللەكتۋالدىق, سپورتتىق جəنە شىعارماشىلىق بايقاۋلاردا ەرەكشەلەنگەن, قوعامدىق ومىرگە بەلسەنە ارالاسقان وقۋشىلارعا بەرىلۋىن قاتاڭ باقىلاۋدى تاپسىردى.
تەمىر قۇسايىن,
«ەگەمەن قازاقستان»
