– ماسەلەن, عىلىم دامىدى, ونەر ءوستى, مادەنيەت, ادەبيەت وركەن جايدى. بۇعان ءبىلىم بەرۋدى دە قوسۋعا بولار. بۇل مەنىڭ جەكە پىكىرىم. تاۋەلسىز قازاقستاننىڭ بۇگىنگى جەتىستىكتەرىنە ەشتەڭە جەتپەيدى, ارينە! دامۋدىڭ داڭعىل جولىنا تۇسكەن ەلىمىزدىڭ ابىرويى اسقاق قازىر!
بىزدىڭشە, قالەكەڭ دۇرىس ايتادى. جالپى, وتكەنىمىزدىڭ بارلىعى دا تاريح. ال تاريحتىڭ قاسىرەتتى كەزەڭى دە, جارقىن بەتتەرى دە كەزدەسەدى. «وتكەنىڭە توپىراق شاشساڭ, بولاشاق ساعان تاس اتادى» دەگەن دە ءتامسىل بار. كەڭەس وكىمەتى بيلىك قۇرعاندا دا حالىققا ادال قىزمەت ەتكەن ادامدار از بولعان جوق.
قاليعۇمار اعامىز كوپ جىل شەتەلدەرمەن ىنتىماقتى قارىم-قاتىناس ورناتقان قازاقستاندىق «دوستىق» قوعامىندا قىزمەت ىستەگەن, رەسپۋبليكالىق قازتاگ, وداقتىق اپن اقپاراتتىق اگەنتتىكتەرىنىڭ شتاتتان تىس ءفوتوتىلشىسى بولعان, بۇگىندە 78 جاستا.
ول كىسى تۇسىرگەن مىنا سۋرەتتە بەلورۋسسيا كومپارتياسىنىڭ ءبىرىنشى حاتشىسى, كەڭەس وداعىنىڭ باتىرى (سوعىس كەزىندە پارتيزان وتريادىن باسقارعان), سوتسياليستىك ەڭبەك ەرى پەتر ميرونوۆيچ ماشەروۆتىڭ (وڭ جاقتا) قازاق كسر-ءنىڭ 60 جىلدىعىندا اتاقتى الماتى تۇرعىن ءۇي-قۇرىلىس كومبيناتىنىڭ ۇجىمىنا مينسك قالاسىندا رسدرپ-نىڭ (رەسەي سوتسيال-دەموكراتيالىق جۇمىسشى پارتياسى) ءى سەزى وتكەن ءۇيدىڭ ماكەتىن سىيعا تارتىپ تۇرعان ءساتى بەينەلەنگەن. 1980 جىل, تامىز.
ءبىر وكىنىشتىسى, بۇل كىسى سول جىلى قازان ايىندا كولىك اپاتىنان قازا تاپقان...
بەرىكباي قادىقوۆ,
جۋرناليست
الماتى وبلىسى,
قاراساي اۋدانى
