شارانى سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى جەڭىس نۇرعاليەۆ اشتى. ول مەملەكەت باسشىسىنىڭ 2017 جىلى ساۋىردە بەرگەن تاپسىرماسىنا سايكەس, استانانى وتاندىق نەگىزگى ءوندىرىس تاۋارلارىمەن قامتاماسىز ەتۋ جانە ازىق-ت ۇلىك تاۋارلارىن باسقا ايماقتاردان تۇراقتى جەتكىزۋ ماقساتىندا ەلىمىزدىڭ ۇكىمەتى «2017-2018 جىلدارعا ارنالعان استانا قالاسىن ازىق-ت ۇلىك بەلدەۋىن قالىپتاستىرۋ جونىندەگى جول كارتاسىن» بەكىتكەنىن ەسكە سالدى. دوڭگەلەك ۇستەلدىڭ ماقساتى, سەناتور اتاپ وتكەندەي, وسى جول كارتاسىن ىسكە اسىرۋعا بايلانىستى وزەكتى ماسەلەلەردى تالقىلاۋ بولىپ تابىلادى.
دوڭگەلەك ۇستەل بارىسىندا اۋىل شارۋاشىلىعى ءمينيسترىنىڭ ورىنباسارى رۇستەم قۇرمانوۆ, استانا قالاسى اكىمىنىڭ ورىنباسارى ماليكا بەكتۇروۆا, اقمولا وبلىسى اكىمىنىڭ ورىنباسارى اسقاربەك ۇيسىمباەۆ, قاراعاندى وبلىسى اۋىل شارۋاشىلىعى باسقارماسى جەتەكشىسىنىڭ ورىنباسارى سىرىم بوشپانوۆ, «اتامەكەن» ۇلتتىق كاسىپكەرلەر پالاتاسىنداعى اگروونەركاسىپ جانە ازىق-ت ۇلىك ونەركاسىبى دەپارتامەنتىنىڭ ديرەكتورى ەربول ەسەنەەۆ, كارتوپ جانە كوكونىس وسىرۋشىلەر وداعىنىڭ پرەزيدەنتى قايرات بيسەتاەۆ, قۇس وسىرۋشىلەر وداعىنىڭ پرەزيدەنتى رۋسلان ءشارىپوۆ ءسوز سويلەدى.
دوڭگەلەك ۇستەل وتىرىسىندا ەلورداعا ازىق-ت ۇلىكتى ۇزدىكسىز جەتكىزۋگە ارنالعان جاعدايدى قامتاماسىز ەتۋدىڭ وزەكتى ماسەلەلەرى كوتەرىلدى. بايانداماشىلار اگرارلىق سالا ءوندىرىسىنىڭ وڭ قارقىنىن اتاپ ءوتىپ, ءونىم جەتكىزۋشىلەردىڭ استانا بازارلارىنا كىرۋىنە, كوممۋنالدىق بازارلار مەن ساقتاۋ قويمالارىنىڭ جۇمىسىنا بايلانىستى بىرقاتار ماسەلەلەردى شەشۋ قاجەتتىگىنە نازار اۋداردى. بولشەك ساۋدانىڭ ەلەۋلى بولىگىن يەمدەنىپ كەتەتىن دەلدالداردىڭ ارەكەتى ءونىم وندىرۋشىلەردى ەرەكشە الاڭداتىپ وتىر. ازىق-ت ۇلىك ونىمدەرىن وندىرىستەن تۇتىنۋشىعا دەيىن جەتكىزۋدىڭ وڭتايلى جولدارى اۋىل شارۋاشىلىعى كاسىپورىندارىنىڭ جۇمىسى ءۇشىن جاعداي جاساي وتىرىپ, وتاندىق كومپانيالاردىڭ الەمدىك نارىقتارعا شىعۋىنا مۇمكىندىك تۋعىزۋى ءتيىس.
سەنات دەپۋتاتتارى, شارۋا جانە فەرمەر قوجالىقتارنىنىڭ باسشىلارى جانە قوعامدىق ۇيىمداردىڭ وكىلدەرى وسى ماسەلەنى تالقىلاۋعا قاتىستى.
شارانى قورىتىندىلاي كەلىپ, سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى جەڭىس نۇرعاليەۆ سالالىق مينيسترلىكتەر مەن اكىمدىكتەردى جاعدايدى تۇراقتى تۇردە نازاردا ۇستاي وتىرىپ, تۋىندايتىن وزەكتى ماسەلەلەرگە وراي ۋاقىتىندا ءارى ءتيىمدى ارەكەت ەتۋ ءۇشىن سالا احۋالىنا مونيتورينگ جۇرگىزۋگە شاقىردى.
