اتالعان شاراعا قازاقستان رەسپۋبليكاسى ءبىلىم بەرۋ ءىسىنىڭ ۇزدىگى, ى.التىنسارين توسبەلگىسىنىڭ يەگەرى پەداگوگ-پسيحولوگ مارتا ەسىركەپقىزى, وبلىستىق ءىىد سازدى پوليتسيا ءبولىمى كامەلەتكە تولماعانداردىڭ ىستەرى جونىندەگى ينسپەكتورى, پوليتسيا كاپيتانى ەلميرا پوتاقىزى, م.بوكەنباەۆ اتىنداعى اقتوبە زاڭ ينستيتۋتى «اكىمشىلىك قۇقىق جانە ىشكى ىستەر ورگاندارىنىڭ اكىمشىلىك قىزمەتى» كافەدراسىنىڭ اعا وقىتۋشىسى, پوليتسيا پودپولكوۆنيگى جولدىباي امانتاي ۇلى جانە ارناۋلى ورتا وقۋ ورىندارىنىڭ ستۋدەنتتەرى, وقىتۋشىلار مەن اتا-انالار قاتىستى.
دوڭگەلەك ۇستەل بارىسىندا ءجاسوسپىرىم دامۋىنا اسەر ەتۋشى تاربيەنىڭ ەكى قاينار كوزى – سانالى تۇردە اسەر ەتەتىن جاناشىر ورتا مەن قورشاعان «كۇردەلى» ورتانىڭ ارا جىگى اشىپ كورسەتىلىپ, ادام ءۇشىن اداسپايتىن جول ءومىردىڭ ءمانىن تاۋىپ, جارقىن ومىرگە قۇلشىنۋ ەكەندىگى جاستارعا ۇعىنىقتى تىلمەن ءتۇسىندىرىلىپ, ناقتى دەرەكتەر بەرىلدى. شارا قوناعى مارتا ەسىركەپقىزى «ەل بولامىن دەسەڭ, بەسىگىڭدى تۇزە» دەپ م.اۋەزوۆ ايتقانداي, ءاربىر اتا-انا ءوز بالاسىنىڭ ءتارتىبى مەن تاربيەسىنە اسا ءمان بەرىپ, بوس ۋاقىتتا نەمەن اينالىساتىنىنا قاتاڭ باقىلاۋ جاساسا, جاسوسپىرىمدەر اراسىندا قۇقىق بۇزۋشىلىق پەن قىلمىستىڭ تومەندەۋىنە كوپ سەپتىگىن تيگىزەر ەدى» دەپ ءوز ويىمەن ءبولىستى. سونىمەن قاتار اتا-انا مەن بالاعا, ولاردىڭ قارىم-قاتىناسىنا, ءوزارا ۇعىنىسۋىنا باعىتتالعان ترەنينگتەر وتكىزىلىپ, ماماندار ساراپتاما جاسادى جانە توسىن دا قىزىقتى مالىمەتتەر مەن جاستارعا كەرەكتى كەڭەس بەرىلدى.
اقتوبە گۋمانيتارلىق كوللەدجىنىڭ «كىتاپحانا ءىسى» ماماندىعىنىڭ 3-كۋرس ستۋدەنتتەرى البينا تىلەۋباەۆا, گۇلنۇر ەسەنعالي, ايىم جىلقايدار قوعام, وتباسى, جاستار ومىرىنەن سيتۋاتسيالىق جاعدايلار كورىنىسىن ساحنالاۋعا قاتىستى.
شارا تىڭداۋشىلارى قوناقتارعا سۇراقتار قويىپ, وي-پىكىرلەرىمەن ءبولىستى. سونداي-اق «جاستار اراسىندا قىلمىستار» اتتى بەينەروليك كورسەتىلىپ, «زاڭ جانە جاستار» اتتى كىتاپ كورمەسى ۇيىمداستىرىلدى. وسىلايشا, ورتاعا تاستالعان ويمەن, ۇسىنىستاردى تالقىلاۋ ارقىلى جاستار اراسىندا قۇقىق بۇزۋشىلىقتىڭ الدىن الۋ قادامى جاسالدى.
ليزا قاراعويشينا,
س.بايىشەۆ اتىنداعى وبلىستىق امبەباپ عىلىمي كىتاپحاناسىنىڭ ءبولىم مەڭگەرۋشىسى
اقتوبە وبلىسى
