دارىن تۇياقوۆ 1969 جىلى الماتى وبلىسى الاكول اۋدانى ءۇشارال اۋىلىندا دۇنيەگە كەلگەن.
1990 جىلى يۋ.ۆ.اندروپوۆ اتىنداعى لەنينگراد جوعارى اسكەري-ساياسي اقق ۋچيليششەسىن, 1997 جىلى — ءال-فارابي اتىنداعى قازۇۋ-دى, 2007 جىلى — حالىقارالىق بيزنەس اكادەمياسىن, 2014 جىلى — رف پرەزيدەنتى جانىنداعى رحشمقا تامامداعان. ماماندىعى بويىنشا — زاڭگەر-قۇقىقتانۋشى.
ەڭبەك جولىن 1990 جىلى اقق راديوتەحنيكالىق كۇشتەرىنىڭ جەكە راديولوكاتسيالىق روتاسى كومانديرىنىڭ ورىنباسارى بولىپ باستاعان.
قورعانىس مينيسترلىگىندە, ادىلەت مينيسترلىگىندە, الماتىدا كوممەرتسيالىق قۇرىلىمداردا, «قازاقتەلەكوم» اق-دا جۇمىس ىستەگەن.
تاعايىندالعانعا دەيىن «قازاقتەلەكوم» اق باس ديرەكتورى — اپپارات باسشىسى لاۋازىمىن اتقارعان.
«استانانىڭ 10 جىلدىعى», «قر تاۋەلسىزدىگىنە 20 جىل» مەدالدارىمەن ماراپاتتالعان. سالانى دامىتۋعا قوسقان جەكە ۇلەسى ءۇشىن «ۇزدىك بايلانىسشى» قۇرمەتتى اتاعىن يەلەنگەن.
