mangystau.gov.kz
اقتاۋ قالاسىندا ۇيىمداستىرىلعان ءوڭىردىڭ باستى مەرەكەلىك ءىس-شاراسىنا ماڭعىستاۋ وبلىسىنا ارنايى ساپارمەن بارعان «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ قاتىسىپ, ۇلىستىڭ ۇلى كۇنىن جەرگىلىكتى حالىقپەن بىرگە قارسى الدى, دەپ حابارلادى پارتيانىڭ ءباسپاسوز قىزمەتى.
ماڭعىستاۋلىقتاردى جانە بارشا قازاقستان حالقىن ناۋرىز مەيرامىمەن قۇتتىقتاعان پارتيا توراعاسىنىڭ ءبىرىنشى ورىنباسارى حالقىمىز ەجەلدەن بۇل كۇندى جاڭارۋ مەن جاسارۋدىڭ باستاۋى, بەرەكە مەن بىرلىكتىڭ ارقاۋى دەپ بىلەتىنىن ايتتى.
– اتا-بابامىز ءاز-ناۋرىزدى قاشاندا ەڭسەسى بيىك ەلدىكتىڭ, ىرگەسى سوگىلمەس بىرلىكتىڭ مەرەكەسى رەتىندە اتاپ ءوتىپ كەلەدى. حالقىمىزدى ورتاق مۇددەگە, بەرەكە-بىرلىككە, ىنتىماققا ۇيىستىراتىن بۇل مەيرام بەيبىتشىلىك پەن كەلىسىمنىڭ قازاقستاندىق ۇلگىسىنىڭ جارقىن كورىنىسى, – دەدى ماۋلەن اشىمباەۆ.
ناۋرىزدىڭ باستاۋى سانالاتىن «امال» مەرەكەسى ءدال وسى ولكەدەن تامىر جاياتىنى بارشاعا بەلگىلى. ونىڭ ۇستىنە اۋليەلى مەكەن ماڭعىستاۋدىڭ حالقىمىز ءۇشىن الار ورنى دا ەرەكشە. وڭىردە بەكەت اتا, شوپان اتا, قارامان اتا, ماسات اتا, شاقپاق اتا, سۇلتان ءۇپى سياقتى جەراستى مەشىتتەرى بار. قويناۋىنا عاسىرلار سىرىن جاسىرعان كەنتى بابا قورىمى دا اسىل مۇرالارىمىزدىڭ ءبىرى. تابيعاتانانىڭ ءوزى تارتۋ ەتكەن تىلسىمعا تولى ساۋرا سايى, قاراقيا ويپاتى, تامشالى كولى جانە شەرقالا مەن وتپان تاۋ دا كيەلى مەكەنگە كورىك بەرىپ تۇرعان قۇندى جادىگەرلەرىمىز. وسى تۇرعىدان كەلگەندە ماڭعىستاۋ وبلىسىنىڭ ۇلتتىق قۇندىلىقتاردى ناسيحاتتاۋدا ماڭىزى زور.
– اتا-بابالارىمىزدىڭ ەجەلدەن كەلە جاتقان سالت-ءداستۇرىن دارىپتەپ, ۇلتتىق قۇندىلىقتارىمىزدى ناسيحاتتاۋدا ماڭعىستاۋلىقتاردىڭ ءرولى ەرەكشە. ەلباسى ايتقان ۇلتتىق كودتى ساقتاۋدا «كورىسۋ كۇنى» سياقتى مەرەكەلەردىڭ دە ماڭىزى زور, – دەدى پارتيا توراعاسىنىڭ ءبىرىنشى ورىنباسارى.
ماڭعىستاۋعا ساپارى بارىسىندا م.اشىمباەۆ سونداي-اق پارتيانىڭ وبلىستىق اكتيۆىمەن كەزدەسىپ, وسى وڭىردەگى نۇروتاندىقتارمەن پرەزيدەنتتىڭ بەس الەۋمەتتىك باستاماسىن كەڭىنەن تالقىلادى.
جالپى ماڭعىستاۋ قاشاندا تىڭ باستامالارىمەن ەرەكشەلەنگەن ءوڭىر. بيىل دا ەلباسىمىزدىڭ بەس الەۋمەتتىك باستاماسىن جۇزەگە اسىرۋ ماقساتىندا قارقىندى جۇمىستار جۇرگىزۋدە. بۇل جونىندە وبلىس اكىمى ەرالى توعجانوۆ: «ەلباسىنىڭ بەس الەۋمەتتىك باستاماسىنىڭ ءبىرى ءار قازاقستاندىق وتباسىنىڭ باسپانالى بولۋىن كوزدەيدى. وتكەن جىلدىڭ وزىندە وبلىسىمىزدا 7 مىڭ وتباسى باسپانامەن قامتىلدى. بيىل جاڭا باعدارلاما ارقىلى بۇل كورسەتكىش ەسەلەنە تۇسەتىنى انىق. وسى ماقساتتا ءبىز ناۋرىزدىڭ العاشقى كۇنى وبلىسىمىزدا «اسار – جومارت جۇرەك» اكتسياسىن جاريالادىق. اكتسيا بارىسىندا 25 ملن تەڭگە كولەمىندە قاراجات جينالىپ, 3500 وتباسىنا كومەك كورسەتىلدى», – دەدى.
ماۋلەن اشىمباەۆ پەن ەرالى توعجانوۆ اتالعان اكتسيانىڭ شاپاعاتىن كورىپ, باسپانالى بولعان كوپ بالالى انا, «كۇمىس القا» يەگەرى, ءىى توپتاعى مۇگەدەك مونشاق جولماعامبەتوۆانىڭ شاڭىراعىنا ارنايى بارىپ, مەرەكەمەن قۇتتىقتادى.
