24 ناۋرىز تۇنگى ساعات 01:26 شاماسىندا ەسىل اۋدانى اۋماعىندا «جاقسى-ەسىل-بۇزۋلىق» تاس جولىنىڭ جابىلۋىنا بايلانىستى «استانا - رۋدنىي» باعىتىنداعى جولاۋشىلار اۆتوبۋسىندا بولعان 26 جولاۋشى, ونىڭ 10 بالا قۇتقارىلدى.
جولاۋشىلار ەسىل قالاسىنداعى №7 اگروتەحنيكالىق كوللەدجگە جەتكىزىلدى. «قۇتقارۋ جۇمىستارى ايماقتىق تجد جەكە قۇرامىنان 1 ادام جəنە 1 ارنايى تەحنيكا, جەرگىلىكتى اتقارۋ ورگاندارىنىڭ 1 قىزمەتكەرى مەن تەحنيكاسى جۇمىلدىرىلدى», - دەدى رۋسلان يمانقۇلوۆ.
سونىمەن قاتار, ول استراحان اۋدانى اۋماعىندا «ەكاتەرينبۋرگ -الماتى» تاس جولىنىڭ جابىلۋىنا بايلانىستى «استانا-ستارىي كولۋتون» باعىتىندا جۇرەتىن «گازەل» جولاۋشىلار شاعىن اۆتوبۋسى 14 جولاۋشىسىمەن قاۋىپسىز جەرگە (№4 جالتىر وم) جەتكىزىلگەنىن دە اتاپ ءوتتى. بۇعان دەيىن حابارلاعانىمىزداي, سينوپتيكتەر 23-24 ناۋرىز كۇندەرى اقمولا وبلىسى اۋماعىندا كوكتايعاق, قاتتى جەل بولاتىندىعى تۋرالى ەسكەرتكەن بولاتىن.
