قارسى الۋ راسىمىنەن سوڭ نۇرسۇلتان نازارباەۆ ابۋ-ءدابيدىڭ تاق مۇراگەرى, بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى, شەيح مۇحاممەد بەن زايد ءال ناھايانمەن كەڭەيتىلگەن قۇرامدا كەلىسسوز وتكىزدى.
قازاقستان پرەزيدەنتى قوناقجايلىق كورسەتكەنى ءۇشىن مۇحاممەد بەن زايد ءال ناھايانعا ريزاشىلىق ءبىلدىردى.
«مەنىڭ رەسمي ساپارىمنىڭ بىرىككەن اراب امىرلىكتەرىنىڭ نەگىزىن قالاعان شەيح زايد بەن سۇلتان ءال ناھاياننىڭ 100 جىلدىعىمەن تۇسپا-تۇس كەلۋىنىڭ سيمۆولدىق ءمانى بار. مەن ءۇشىن ءسىزدىڭ اكەڭىزبەن تانىس بولعانىم - زور مارتەبە», - دەدى مەملەكەت باسشىسى.
نۇرسۇلتاننازارباەۆ باۋىرلاس قارىم-قاتىناستار مەن تابىستى كەزدەسۋلەر ەكى ەل اراسىنداعى بايلانىستاردىڭ دامۋىنا تىڭ سەرپىن بەرەتىنىن اتاپ ءوتتى. ء«وزارا ۋاعدالاستىقتاردى ىسكە اسىرۋدىڭ ارقاسىندا تەك 2017 جىلى ساۋدا-ساتتىق كولەمى 2 ەسە ءوسىپ, 374 ميلليون دوللاردان 643 ميلليون دوللارعا دەيىن جەتتى. ال 2015 جىلدان باستاپ بۇل كورسەتكىش 6 ەسە ارتقان», - دەدى قازاقستان پرەزيدەنتى.
نۇرسۇلتان نازارباەۆ ۆيزاسىز رەجىم ەنگىزۋ ەكى ەل اراسىنداعى قارىم-قاتىناستارعا وڭ اسەر ەتەتىنىنە نازار اۋدارىپ, تاراپتار ينۆەستيتسيالاردى قورعاۋ, عارىش تەحنولوگيالارى, گيدروەنەرگەتيكا, مۇناي حيمياسى, اۋىل شارۋاشىلىعى جانە تسيفرلاندىرۋ سالالارىنداعى ىنتىماقتاستىقتى ءارى قاراي ىلگەرىلەتۋگە مۇددەلى ەكەنىن اتاپ ءوتتى.
سوڭىندا قازاقستان پرەزيدەنتى بىرىككەن اراب امىرلىكتەرىنىڭ پرەزيدەنتى شەيح حاليف بەن زايد ءال ناھايانعا دەگەن نيەتتەستىگىن ءبىلدىرىپ, تاق مۇراگەرى مۇحاممەد بەن زايد ءال ناھاياندى قازاقستانعا رەسمي ساپارمەن كەلۋگە شاقىردى. مۇحاممەد بەن زايد ءال ناھايان رەسمي ساپارمەن كەلگەنى ءۇشىن نۇرسۇلتان نازارباەۆقا العىس ايتتى. «حالقىمنىڭ جانە جەكە ءوزىمنىڭ اتىنان سىزگە بىرىككەن اراب امىرلىكتەرىنىڭ جەرىنە كەلگەنىڭىز ءۇشىن ريزاشىلىق بىلدىرەمىن. ساپارىڭىز ءساتتى بولادى دەپ سەنەمىن. ءبىز بۇگىن بىرقاتار ماڭىزدى ەكىجاقتى قۇجاتتارعا قول قويامىز. جان-جاقتى ىنتىماقتاستىققا دايىن ەكەنىمىزدى ايتقىم كەلەدى», - دەدى مۇحاممەد بەن زايد ءال ناھايان.
***
رەسميساپار بارىسىندا تاراپتار اراسىندا مىناداي قۇجاتتارعا قول قويىلدى:
- قازاقستان رەسپۋبليكاسىنىڭ ۇكىمەتى مەن بىرىككەن اراب امىرلىكتەرىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىم;
- اتىراۋ وبلىسىندا ينتەگراتسيالانعان گاز-حيميا كەشەنىن (پوليەتيلەن ءوندىرىسى) سالۋعا قاتىستى ىنتىماقتاستىقتىڭ نەگىزگى شارتتارى تۋرالى مەموراندۋم;
- اتىراۋ وبلىسىنداعى پوليپروپيلەن وندىرەتىن زاۋىتقا قاتىسۋ ۇلەسىن ساتىپ الۋعا بايلانىستى ءوزارا تۇسىنىستىك تۋرالى مەموراندۋم; - «اقتاۋ تەڭىز پورتى» ارنايى ەكونوميكالىق ايماعى اكتسيونەرلىك قوعامىنىڭ 49% اكتسيالارىن ساتىپ الۋدىڭ نەگىزگى قاعيداتتارى تۋرالى نەگىزدەمەلىك كەلىسىم;
- «DP World» كومپانياسىنىڭ «قورعاس - شىعىس قاقپاسى» ارنايى ەكونوميكالىق ايماعىنىڭ باسقارۋشى كومپانياسى» اكتسيونەرلىك قوعامىنىڭ كاپيتالىنا قاتىسۋىنىڭ نەگىزگى قاعيداتتارى تۋرالى نەگىزدەمەلىك كەلىسىم;
- دۋبايداعى «ەكسپو-2020» دۇنيەجۇزىلىك كورمەسىنە قاتىسۋ تۋرالى شارت.
