بۋداپەشتتە وتكەن ويىننىڭ 6-شى مينۋتىندا-اق "استانالىق" رومان مۋرتازاەۆ العاشقى ەسەپتى اشتى, ارتىنشا دەبيۋتتىق ماتچىن وتكىزگەن باحتيار زاينۋتدينوۆ ەسەپتى ەسەلدى. ول دا "استانا" كلۋبىنىڭ فۋتبولشىسى.
ال ويىننىڭ 21-ءشى مينۋتىندا ۆەنگريالىق ادام سالاي گول سوعىپ, ەسەپتى قىسقارتتى. "ۋفا" فۋتبولشىسى ەركەبۇلان سەيداحمەت 39-شى مينۋتتا ەسەپتى 1:3 جەتكىزدى.ەكىنشى تايمدا ۆەنگريالىق شابۋىلشى كريستيان نەمەت ەسەپ ايىرماسىن تاعى ءبىر گولعا قىسقارتتى. الايدا قازاقستان فۋتبول قۇراماسىن ويىن سوڭىنا دەيىن 2:3 ەسەبىن ۇستاپ تۇردى.
وسىلايشا ستانيمير ستويلوۆ باستاعان جىگىتتەر جەڭىس تۋىن جەلبىرەتتى. ەسكە سالا كەتەيىك, 26 ناۋرىز كۇنى قازاقستان فۋتبول قۇراماسى بولگاريامەن تاعى ءبىر جولداستىق كەزدەسۋ وتكىزەدى.
