تجد بولىمشەلەرى, جەرگىلىكتى اتقارۋ ورگاندارى, جەرگىلىكتى پوليتسيا قىزمەتى جانە باسقا دا جۇمىلدىرىلعان ۇيىمدار اپات سالدارىن جويۋمەن اينالىسىپ جاتىر.
تجد قۇتقارۋ بولىمشەلەرى جەرگىلىكتى اتقارۋ ورگاندارىمەن بىرگە بۇقار جىراۋ اۋدانىنىڭ كوكپەكتى كەنتىندە, اباي قالاسىندا ءتورت ءۇيدى سۋدان تازارتۋدا.
جەردەگى قاردىڭ ەرۋىنەن تىس, ەلدى مەكەندەرگە رەسپۋبليكالىق ماڭىزعا يە «قاراعاندى - اياگوز - بۇعاز», وبلىستىق ماڭىزعا يە «قوياندى - ەگىندىبۇلاق - بۇركىتتى», «ىنتالى - بەسوبا» اۆتوجولدارىنان دا سۋ قۇيىلۋدا. ول جەرلەرگە ەسكەرتۋ بەلگىلەرى قويىلىپ, جپق, «قازاقاۆتوجول» جشس, «قاراعاندى جولدارى» جشس قىزمەتكەرلەرى كەزەكشىلىك اتقارىپ جاتىر.
