جوسپار بويىنشا, كەڭەس وتىرىسىندا 13 قۇجاتتىڭ جوباسى قارالادى, ولاردىڭ باسىم بولىگى دوستاستىق اياسىنداعى گۋمانيتارلىق ىنتىماقتاستىقتى دامىتۋ مەن قاۋىپسىزدىكتى نىعايتۋ ماسەلەلەرىنە ارنالعان. سىمك مۇشەلەرى شاعىن فورماتتا ءوز قۇزىرەتتەرى اياسىندا حالىقارالىق جانە تمد اياسىنداعى ىنتىماقتاستىقتىڭ وزەكتى ماسەلەلەرى جونىندە پىكىر الماسادى, سونداي-اق سىمك-ءتىڭ كەزەكتى وتىرىسىن وتكىزۋ ورنى مەن كۇنىن بەلگىلەيدى.
كەڭەيتىلگەن وتىرىستا تاۋەلسىز مەملەكەتتەر دوستاستىعى اياسىندا سىرتقى ىستەر مينيسترلىكتەرى اراسىنداعى كوپدەڭگەيلى كونسۋلتاتسيالار جوسپارىنىڭ ىسكە اسىرىلۋى تالقىلانىپ, 2018 جىلعى جوسپار بەلگىلەنەدى.
سىمك وتىرىسىندا گۋمانيتارلىق ىنتىماقتاستىقتى كەڭەيتۋ اياسىندا: 2021 جىلدى تمد-دا ساۋلەت جانە قالا سالۋ جىلى دەپ جاريالاۋ, تمد-عا قاتىسۋشى مەمدەكەتتەردىڭ وقىتۋشىلارى مەن ءبىلىم بەرۋ قىزمەتكەرلەرىنىڭ سەزى تۋرالى ەرەجە, «تمد ءۇشىن 100 يدەيا» حالىقارالىق جاستار جوباسى, تمد ەلدەرىنىڭ سالىقتاردى (قارجىلىق) تەكسەرۋ ورگاندارىنا كادرلار دايارلاۋ جانە ولاردىڭ بىلىكتىلىگىن ارتتىرۋدىڭ بازالىق ۇيىمى سياقتى جوبالاردى تالقىلاۋ جوسپارلانۋدا.
بۇدان تىس, سىمك وتىرىسىندا قارالاتىن ماسەلەلەردىڭ جارتىسىنان كوبى دوستاستىقتاعى قاۋىپسىزدىك جانە جاڭا سىن-تەگەۋرىندەرگە قارسى ءىس-قيمىل سالاسىنا ارنالادى.
ەسكە سالا كەتەيىك, تمد سىرتقى ىستەر مينيسترلەرى كەڭەسىنىڭ كەزەكتى وتىرىسىن 2018 جىلعى 6 ساۋىردە مينسكىدە (بەلارۋس رەسپۋبليكاسى) وتكىزۋ تۋرالى شەشىم تمد سىمك-ءتىڭ 2017 جىلعى 10 قازاندا سوچيدە وتكەن وتىرىسىندا قابىلدانعان بولاتىن
