«ناۋرىز ايىندا ەلىمىزدە جاڭا تەلەارنانىڭ تۇساۋى كەسىلمەك - Jastar1. وندا قازىرگى جاستارعا ەڭ قاجەتتى, ەڭ پايدالى باعدارلامالار كورسەتىلمەك. تەلەارنانىڭ نەگىزىن قالاۋشى - تاجىريبەلى مەديامەنەدجەر ءىلياس باشار ۇلى ىسقاقوۆ. كەزىندە «قازاقستان» ۇلتتىق ارناسىنىڭ ەڭ ساپالى جوبالارىن ىسكە قوسقان اعامىز. ەندى بار كۇشىن اتالعان ارناعا سالماق. «بايتاق-بولاشاق» اليانسى دا تەلەارنانىڭ اشىلۋىنا ءوز ۇلەسىن قوستى. تاۋەلسىزدىك كەزىندەگى جەكە ازاماتتاردىڭ ۇلەسىمەن اشىلىپ وتىرعان ءبىرىنشى قازاق تەلەارناسى! سونىمەن, جاڭا جىلدا جاڭا ارنانى كورىڭىزدەر!», - دەپ جازدى ول.
ال ءىلياس ىسقاقوۆ فەيسبۋكتەگى پاراقشاسىندا جاڭا تەلەارنا ديرەكتورىنىڭ شىعارماشىلىق جونىندەگى ورىنباسارى عاليا شاۋدىرباەۆا, ستراتەگيالىق دامۋ جانە كوممەرتسيا جونىندەگى ورىنباسارى گاۋحار يمانقۇلوۆا, كرەاتيۆتىك پروديۋسەرى الپامىس ءشارىم تاعى دا بەلگىلى, بىلىكتى ماماندار جاڭا ارنانىڭ كونتەنتىن جاساۋمەن كۇندىز-ءتۇنى ەڭبەك ەتىپ جاتقانىن اتاپ وتكەن.
«وسى كەزگە دەيىن جاستارعا ارنالعان تەلەارنانىڭ بولماعانى بىزگە وي سالدى جانە وسى باعىتتا جۇمىس جاساۋىمىزعا سەبەپ بولدى. باسقا ارنالار تۋرالى باعا بەرىپ جاتۋدى كورەرمەندەردىڭ ەنشىسىنە قالدىرىپ, ءبىزدىڭ ارنانىڭ شىن مانىندە جاستار ءۇشىن, جاستارمەن بىرگە بولۋدى كوزدەيتىن, جاستاردىڭ تالاپ-تىلەگىن, مۇڭ-مۇقتاجىن جەتكىزە الاتىن ارنا بولۋى ءۇشىن بارلىق مىمكىندىكتەرىمىزدى ىسكە قوسىپ جاتىرمىز. ءارتۇرلى باعىتتاعى باعدارلامالار, توك-شوۋ, كينوكورسەتىلىمدەر, تەلەحيكايالار جانە ويىن-ساۋىقتىق باعدارلامالار ەفير كەستەسىنەن ورىن الاتىن بولادى. «J1» تەلەارناسى جاستارمەن بىرگە!», - دەپ جازدى ءىلياس ىسقاقوۆ.
