«ۇلان اۋدانىنىڭ تاۆريا اۋىلىندا 20-دان استام ادام مەكتەپكە ۋاقىتشا كوشىرىلسە, وسكەمەن قالاسىندا 19 ادام ء«ۇلبى» الەۋمەتتىك قىزمەت كورسەتۋ ورتالىعىنا, تاعى 5 ادام ن.كرۋپسكايا اتىنداعى ينتەرناتقا ورنالاستىرىلدى. ەۆاكۋاتسيالانعانداردىڭ اراسىندا زارداپ شەككەندەر جوق. ادامدارعا ىستىق تاماق بەرىلىپ, پسيحولوگيالىق كومەك كورسەتىلدى», - دەيدى دەپارتامەنتتىڭ ءباسپاسوز قىزمەتىنىڭ مامانى اناتاسيا سكليار.
دەپارتامەنت تاراتقان سوڭعى مالىمەتتەرگە سۇيەنسەك, قازىرگى ۋاقىتتا وبلىستا 27 ءۇي جانە 131 اۋلا ماڭىنداعى اۋماقتى ەرىگەن قار سۋى باسقان. وبلىستىق توتەنشە جاعدايلار دەپارتامەنتى, اۋداندىق تج قىزمەتكەرلەرى جانە شىعىس وڭىرلىك اەروموبيلدىك جەدەل قۇتقارۋ جاساقتارى گلۋبوكوە, شەمونايحا, ۇلان اۋداندارى, وسكەمەن جانە ريددەر قالالارىندا سۋ سورۋ, قۇم قاپتار توسەۋ جۇمىستارىن جۇرگىزۋدە.
ازامات قاسىم,
«ەگەمەن قازاقستان»
شىعىس قازاقستان وبلىسى
سۋرەتتەر وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن الىندى
