«بىلتىر قۇرمانعازى اۋدانىنىڭ رەسەي فەدەراتسياسىمەن شەكتەسەتىن 10 اۋىلىنا گاز قۇبىرلارىن تارتۋ جۇمىستارى باستالعان بولاتىن. اتالعان كەنتتەر مەن اۋىلدار مۇناي كومپانيالارىنىڭ ءبىرىنىڭ ارناۋلى باعدارلاماسى اياسىندا گازبەن قامتىلىپ جاتىر. جوبانىڭ جالپى قۇنى 10 ميلليارد تەڭگەنى قۇرايدى. 2018 جىلى 135 ەلدى مەكەندى گازبەن قامتاماسىز ەتۋ جوسپاردا بار», - دەپ مالىمدەدى وبلىس اكىمدىگىنىڭ ءباسپاسوز قىزمەتى.
ۆەدومستۆونىڭ اقپاراتىنا سۇيەنسەك, 2019 جىلدىڭ العاشقى جارتىسىندا وبلىس تۇرعىندارىنىڭ 99,2 پايىزىن گازبەن قامتۋ مىندەتى قويىلعان. قازىرگى كەزدە اۋىلدىق جەرلەردىڭ گازبەن قامتىلۋ كورسەتكىشى 79,3 پايىزدى قۇرايدى.
