جينالعان قاراجات CINCA سيندرومى دەرتىنە شالدىققان ديلناز ابدۋعالي مەن اياگوز اۋدانىنان كەلىپ, وقىپ جاتقان ستۋدەنتتەرگە كومەك رەتىندە تابىستالماق. ستۋدەنتتەردىڭ اتا-انالارى اياگوز اۋدانىندا تۇرادى ەكەن. تاسقىن سالدارىنان باسپاناسىز قالىپ وتىر. وسىلايشا كەشەندى كومەك بەرۋدى ۋنيۆەرسيتەت ۇجىمى سوناۋ 6 ناۋرىزدان باستاپتى. اكتسيا «شىن جۇرەكتەن!» دەپ اتالادى.
وسى ءبىر ايعا جۋىق ۋاقىت ىشىندە ستۋدەنت جاستار سەمەيدەگى «انالار ۇيىنە» دە بارىپ شىعىپتى. قازاق گۋمانيتارلىق-يننوۆاتسيالىق زاڭ ۋنيۆەرسيتەتىنىڭ رەكتورى, قر پرەزيدەنتى جانىنداعى وتباسى-دەموگرافيالىق ساياسات جانە ايەلدەر ءىسى جونىندەگى ۇلتتىق كوميسسيا مۇشەسى, ساياساساتتانۋ عىلىمىنىڭ دوكتورى, پروفەسسور شىرىن قۇرمانباەۆا التى ۇل مەن قىزعا تۇساۋكەسەر جاسادى. ءسويتىپ, ولاردىڭ بولاشاعىنىڭ باياندى بولۋىن تىلەدى.
-ءبىزدىڭ جاستارىمىز وزگەنىڭ باسىنداعى قايعىعا نەمقۇرايدى بولماۋ كەرەك,-دەدى شىرىن اسىلحانقىزى,-«انالار ۇيىندە» پانالاپ وتىرعان جاس انالارعا ءبىزدىڭ ستۋدەنتتەر زاڭگەرلەر رەتىندە قۇجاتتارىنىڭ رەتتەۋگە كومەكتەستى. بالالاردى ويناتىپ, ءبىر ءسات قامقورلىقتارىنا الدى. ءسويتىپ, سابيلەرگە قۋانىش سىيلادى. جانە سىرقاتى ءۇشىن 21 ملن تەڭگە قاجەت ديلناز ابدۋعاليگە دە ۇجىم بولىپ قاراجات جيناۋدامىز. جينالعان قاراجات جاقىندا ديلنازدىڭ اناسىنا بەرىلەدى.
ناۋرىز تويى ۇستىندە ۋنيۆەرسيتەت فاكۋلتەتتەرى كيىز ءۇي تىگۋدىڭ سايىسىنا قاتىسىپ, باس بايگەنى گۋمانيتارلىق فاكۋلتەت جەڭىپ الدى. جانە وسى وقۋ ورنى رەكتورىنىڭ گرانتى ناۋالى, ءشۇلبى ەلدى-مەكەندەرىنەن جانە بالالار ۇيىنەن 8 ادامعا تابىستالدى.
ايتا كەتۋ كەرەك, سوڭعى ون جىلدا رەكتور گرانتىنا 220 جاس يە بولعان ەكەن.
راۋشان نۇعمانبەكوۆا
سۋرەتتەر اۆتوردىكى.
سەمەي
