نəتيجەسىندە دالداباي ەلدى مەكەنى تۇسىنداعى «جوسالى-جالاعاش» تاس جولى بويىنداعى كوپىر جانە جەلتى شامامەن 500 م اۋماعىنىڭ ءۇستىن سۋ باستى. (جوسالى كەنتىنەن 41 شاقىرىم جوعارى, جالاعاش كەنتىنەن 33 شاقىرىم تومەن). سۋدىڭ تاسۋىنان شىعىن كەلمەدى, ياعني جولدىڭ نەمەسە كوپىردىڭ بۇزىلۋى ورىن العان جوق.
وبلىستىق جۇمىلدىرۋ دايىندىعى باسقارماسىنىڭ باسشىسى سەرىك سەرماعامبەتوۆ سۋ دەڭگەيىنىڭ تومەن تۇسكەنىن, وزەن ارناسىندا مۇز ءجۇرىپ جاتقانىن حابارلادى.
«وبلىس اۋماعىنان مۇز ءجۇرۋ پروتسەسى وتكەن ايدىڭ 26-دا باستالعان بولاتىن. بۇگىنگى تاڭعا دەيىن 780 شاقىرىم ءجۇرىپ, ەشقانداي توتەنشە جاعداي بولعان جوق. بۇگىنگى جاعدايعا بايلانىستى دالداباي ەلدى مەكەنىنىڭ تۇسىندا, 780 شاقىرىمىندا مۇز كەپتەلىسىنىڭ سالدارىنان وزەن ارناسىنان شىعىپ, جالاعاش- قارماقشى تاس جولىنىڭ ۇستىنە شىقتى. قازىرگى تاڭدا ول جەر ۋاقىتشا جابىلىپ تۇر. سۋ 30 سم تومەن ءتۇستى. مۇز ءجۇرۋ پروتسەسى جالعاسۋدا. قازىر قارماقشى اۋدانىنىڭ ءدۇر وڭعار ەلدى مەكەنىنىڭ تۇسىنان ءوتىپ كەتتى. ەرتەڭگە دەيىن جول اشىلادى»,-دەدى سەرىك سەرماعامبەتوۆ.
21 ناۋرىزداعى جاعداي بويىنشا وبلىس اۋماعىنا سەكۋندىنا 160 تەكشە مەتر سۋ كەلۋدە. قىزىلوردا سۋ تورابىنان سەكۋندىنا 170 تەكشە مەتر سۋ وتۋدە.
قازىرگى كەزدە جاڭاقورعان, شيەلى, سىرداريا, جالاعاش اۋداندارى مەن قىزىلوردا قالاسى اۋماعىنداعى وزەن ارناسى مۇزدان تولىق تازاردى.
