سەمەيدەگى اسكەري گوسپيتال ۇجىمى ۇلىستىڭ ۇلى كۇنىن مەرەكەلەۋدە. تەراپيا, حيرۋرگيا, انەستەزوليوگيا جانە جان ساقتاۋ بولىمدەرى مەن گوسپيتالدىڭ ەمحاناسى, دياگنوستيكا سالالارى قازاقتىڭ ۇلتتىق سالت-ءداستۇرىن كورسەتتى. ءسويتىپ ەمدەلۋشىلەردىڭ كوڭىلىن كوتەرىپ, ولاردىڭ تەزىرەك ساۋىعىپ كەتۋىنە اتسالىستى. ماسەلەن, «ناۋرىز كوجە ءپىسىرۋ», «قول كۇرەسى», «تۇساۋ كەسۋ» داستۇرلەرىنەن اسكەري مەدتسينا قىزمەتكەرلەرى ءوزارا سايىسقا ءتۇستى. بارلىعىنىڭ دا دايىنداعان ناۋرىز كوجەسى وتە ءدامدى بولىپ شىقتى.
- اسكەري مەديتسينا قىزمەتكەرلەرىنىڭ بالالارى «قازاق ءبيىن» بيلەدى,-دەيدى «شىعىس» اسكەري وڭىرلىك قولباسشىلىعىنىڭ ءباسپاسوز قىزمەتى,-كاۋسار جانە ءالينۇر زاكاريا, ارۋجان سەمباەۆالار «ماحاببات سەزىمى» مۋزىكاسىن قوبىزدا وينادى. ايجاس بالاۋباەۆ بولسا باياندا ءتۇرلى سازدى اۋەندەردىڭ باسىن قوسىپ وينادى. ناعيما ىدىرىشەۆانىڭ شىرقاعان «اسەم ءانىم سىرنايدى-اي» ءانى مەن گۇلسىمحان جەكسەنبايقىزىڭ «قاماجاي» ءبيى دە ناۋرىز تويدىڭ ناقىشىن كەلتىردى.
ۇيىمداستىرۋشىلاردىڭ بارلىعىنا گوسپيتالدىڭ مەديتسينا قىزمەتىنىڭ باسشىسى مايور باۋىرجان بالۋباەۆ راحمەتىن ايتىپ, ۇلىستىڭ ۇلى كۇنىمەن قۇتتىقتادى. مەرەكە سوڭىندا قىدىر اتا كەلىپ, اسكەريلەرگە اق تىلەگىن ايتىپ, باتاسىن بەردى.
راۋشان نۇعمانبەكوۆا,
سەمەي
