«مەن حالقىما ريزامىن. بىرلىگىن شاشىراتپاي جۇرگىزگەن ساياساتتى بىردەي قولداپ كەلە جاتىر. وسىنداي حالىقتىڭ الدىندا باسىمدى ءيىپ, ريزاشىلىعىمدى ءار ۋاقىتتا بىلدىرەمىن» دەگەن پرەزيدەنت ەل مەن جەردىڭ يەسى بولىپ وتىرعان حالىققا بەرەكە-بىرلىك بۇدان كەيىن دە كەرەك ەكەنىن اتاپ ءوتتى.
«بايلىق – بايلىق ەمەس, بىرلىك بايلىق. بۇگىنگى باستامالار ەلمىز تۇتاس, قوعامىمىز تۇراقتى بولسا عانا تابىستى جۇزەگە اسادى. ەل بىرلىگى ەڭ ءبىرىنشى قازاقتىڭ بىرلىگى دەپ ايتىپ كەلدەمىن. ەل مەنەن ەلباسى بىرگە بولعان كەزدە عانا بارلىق جەڭىسكە جەتە الامىز. تابىسىمىزدى ەسەلەپ, تاۋەلسىزدىگىمىزدى باياندى ەتە ءتۇسۋ ءۇشىن بىزگە بالتالاسا دا بۇزىلمايتىن بەرىك اۋىزبىرشىلىك كەرەك. مۇنى بۇگىن ايتىپ وتكەنىم, مىناۋ اۋمالى-توكپەلى دۇنيەنىڭ ورتاسىندا ءجۇرىپ جاتىرمىز. ءبىزدىڭ اتا-بابالارىمىز اتامزاماننان ەكى يمپەريانىڭ اراسىندا ءومىر ءسۇرىپ كەلە جاتقان حالىق, نە ءتۇرلى قيامەتتى كورگەن. قازىر قۇبىلمالى زامان. قاي جاقتان نە بولاتىنىن ەشكىم بىلمەيدى. سوندىقتان جۇدىرىقتاي جۇمىلعان, رۋحى بيىك حالىقتى ەشكىم المايدى. ماسەلە حالىقتىڭ كوپ, ازدىعىندا ەمەس, ماسەلە – ادامنىڭ رۋحاني بىرلىگىندە. نە تاۋەلسىزدىك, نە ءومىر جوق دەگەن قاعيدامەن ءومىر ءسۇرۋىمىز كەرەك. جاستاردى سولاي تاربيەلەگەن ءجون. بۇل جاعىندا ولقىلىقتار بار. ەل مەن جەردىڭ يەسى رەتىندە قازاقستانداعى جاقسى مەن جاماننىڭ بارىنە قازاق جاۋاپتى. وسى ۇلى جاۋاپكەرشىلىكتى سەزىنىپ بارشا ۇلىستىڭ ۇيىتقىسى بولىپ وزگەگە ونەگە كورسەتە بىلەيىك», دەگەن مەملەكەت باسشىسى جاريالانىپ وتىرعان ءىستىڭ ءبارى ەلدىڭ قامى, اسىرەسە بولاشاقتى, جاستاردىڭ قامى ەكەنىن باسا ايتتى.
