فوتو: azattyq.org
جالىندى جاستار قاريانىڭ ءۇي-جايىن تازالاپ, ىشكى جاقتاۋلارىن اقتاپ, ءىشى جىلى بولۋ ءۇشىن تەرەزەلەرىن ماقتامەن بىتەپ, ىشكى جوندەۋ جۇمىستارىن جۇرگىزدى. 74 جاستى القىمداعان بولىسباي اتا بۇرىن ەش جەردە جۇمىس ىستەمەگەن. بۇل ۇيدە 1968 جىلدان بەرى تۇرادى. تاعدىردىڭ تاۋقىمەتىنە تاپ بولعان جان. ءوزى اقتاۋ قالاسىندا اۋرۋحانادا جاتقاندىقتان تۋىسى ورىسباي بالالاردىڭ قايىرىمدى ىستەرىنە قاتتى ريزا بولدى. اسىرەسە, ەسىكتىڭ الدىنا ءۇيىلىپ قالعان كۇل-قوقىس پەن ءۇيدىڭ ارتقى جاعىندا جىل بويى جينالىپ قالعان تۇرمىستىق قالدىقتاردى تازالاۋدا, اۋلا ءىشىن رەتكە كەلتىرۋ ىسىندە جاستاردىڭ قۋاتىنا ءسۇيسىنىپ, العىس ايتتى.
بۇل ىرگەلى ىستەر جۇيەلى تۇردە ۇتىمدى ۇيىمداستىرىلىپ كەلەدى. قارت – قازىنا. باعزى زاماننان قالىپتاسقان, ۇرپاقتان ۇرپاققا ۇشتاسقان ومىرلىك ماقساتى – ەل بىرلىگىنە, جەر تۇتاستىعىنا باس-كوزدىك, حالىقتىڭ بىرلىگى مەن ىنتىماقتاستىعىن بەرىك دانەكەرلەۋ, ۇلتتىق باي رۋحاني قازىنانى شاشاۋ شىعارماي ساقتاۋ جانە مولايتا ءتۇسۋ ەدى. ولار قاي كەزدە دە وسى مىندەتتى جۇزەگە اسىرۋدا اقىلشى بولا ءبىلدى.
وسكەلەڭ ۇرپاققا ۇلكەنگە قۇرمەت كورسەتۋ, جالعىزباستى قارتتاردى قۇرمەتتەۋ, ولارعا بارىنشا جاقسىلىق جاساۋ مەن جاستارعا پاتريوتتىق تاربيە بەرۋدى ماقسات ەتكەن بۇل اكتسيا جالعاسىن تابادى.
ء«بىز بۇل باستامانى ءارى قاراي جالعاستىراتىن بولامىز. بۇكىل شىعىنداردى جاستار ءوز قالتالارىنان شىعاردى. «جۇمىلا كوتەرگەن جۇك جەڭىل» دەمەكشى, بىرەۋى اك اكەلسە, ەندى ءبىرى تەرەزە جاپقىش, ال قايسىبىرى كىلەم, توسەنىشتەر, كيىم كەشەكتەر, ءدارى-دارمەكتەرمەن قولۇشىن سوزدى. شاراعا ۇزىن سانى 15 - كە جۋىق ەرىكتى قاتىسىپ, بەلسەندىلىك تانىتتى. اسىرەسە, شەتپە گيمنازياسى, شەتپە ليتسەيى, م.اتىموۆ اتىنداعى ورتا مەكتەپ پەن ب.جۇماليەۆ اتىنداعى ورتا مەكتەپتەردىڭ 9-11 سىنىپ وقۋشىلارى, ماڭعىستاۋ تەحنيكالىق كوللەدجىنىڭ 1-كۋرس ستۋدەنتتەرى جوعارى بەلسەندىلىك كورسەتىپ, جاناشىرلىق تانىتتى», دەيدى ەرىكتىلەر توبىنىڭ بەلسەندىسى, ب.جۇماليەۆ اتىنداعى ورتا مەكتەپتىڭ 10 سىنىبىنىڭ وزات وقۋشىسى رۋسلان انەتوۆ.
قالامپىر قۇلمىراتوۆا,
اۋداندىق جاستار ورتالىعىنىڭ مامانى
ماڭعىستاۋ وبلىسى,
ماڭعىستاۋ اۋدانى
