بۇل جارىستىڭ نەگىزگى ماقساتى – ەلىمىزدەگى ستۋدەنت جاستارى اراسىندا سپورتتى ناسيحاتتاۋ, ستۋدەنتتەردىڭ دەنە تاربيەسى مەن دەنساۋلىعىنا اسەر ەتۋ, وتانسۇيگىشتىككە تاربيەلەۋ جانە ۇلتتىق قۇراماعا ۇمىتكەرلەردى دايىنداۋ.
اشىلۋ سالتاناتىندا پاۆلودار وبلىسىنىڭ اكىمى باقاۋوۆ بولات جۇمابەك ۇلى: «بۇل ستاديوندا ەلىمىزدىڭ جەتەكشى جوعارى وقۋ ورىندارىنىڭ مىڭداعان وكىلدەرى جينالىپ وتىر. سىزدەردىڭ ارالارىڭىزدا بولاشاق وليمپياداشىلار مەن الەمدىك سايىستاردىڭ جەڭىمپازدارى بار. پاۆلودار وبلىسى قازىرگى تاڭدا سپورت سالاسىنا ۇلكەن قىزىعۋشىلىق تانىتۋدا. بولاشاقتا, اق وليمپيادانىڭ چەمپيوندارى شىعادى دەگەن سەنىمىم مول», - دەدى پاۆلودار وبلىسىنىڭ اكىمى.
اتالمىش شارا 1 ساعاتقا جالعاستى. 2500 جانكۇيەرى بار «استانا» مۇز سارايىنىڭ ورتالىعى ادەمى كومكەرىلىپ, كەلگەن قوناقتاردىڭ كوڭىلدەرىنەن شىقتى. اشىلۋ سالتاناتىندا ءار وقۋ ورىندارىنىڭ كوماندالارى ءداستۇرلى شەرۋمەن باستادى.
پاۆلودار قالاسىندا ءوتىپ جاتقان قازاقستان رەسپۋبليكاسى VII قىسقى ۋنيۆەرسياداcىندا سپورتتىڭ 11 تۇرىنەن 1600-دەن اسا جۋىق سپورتشى باسەكەگە تۇسۋدە.
