شاراعا قاتىسۋشىلار تمد پاا-نىڭ 2018 جىلعا ناقتىلانعان جۇمىس جوسپارىن, دوستاستىق اياسىندا جاسالعان حالىقارالىق شارتتاردىڭ راتيفيكاتسيالانۋ ۇدەرىستەرى تۋرالى اقپاراتتى, سونداي-اق كوميسسيانىڭ 2017 جىلعى جۇمىسىنىڭ قورىتىندىلارى تۋرالى ەسەپتى قارادى. وتىرىس بارىسىندا بىرقاتار ۇيىمداستىرۋ ماسەلەلەرى دە قارالدى.
تمد پاا مادەنيەت, اقپارات, تۋريزم جانە سپورت جونىندەگى تۇراقتى كوميسسياسىنىڭ وتىرىسىنا قازاقستان پارلامەنتىنىڭ جوعارعى پالاتاسىنان سەناتور ەربولات مۇقاەۆ قاتىستى.
وتىرىس بارىسىندا كوميسسيا مۇشەلەرى «جەكە مالىمەتتەر تۋرالى», «بالالار جانە جاسوسپىرىمدەر ءتۋريزمى تۋرالى» ۇلگى زاڭدارىنىڭ جاڭا ماتىندەرىنىڭ جوبالارىن, «ترانسشەكارالىق اقپارات الماسۋ بارىسىندا ەلەكتروندىق سيپاتتا نوتاريالدىق ءىس-قيمىل جاساۋ تۋرالى», «الەۋمەتتىك تۋريزم تۋرالى» ۇلگى زاڭ جوبالارى جانە تمد-عا قاتىسۋشى مەملەكەتتەردىڭ ينفوكوممۋنيكاتسيالىق دامۋدىڭ ايماقتىق مونيورينگ قۇرالدارى مەن ناتيجەلەرىن پايدالانۋ جونىندەگى نۇسقاۋلىعىن, تمد-عا قاتىسۋشى مەملەكەتتەردىڭ تۋريزم سالاسىنداعى ىسكەرلىك تاجىريبەسىنىڭ ەرەجەلەرىن ساقتاۋ جونىندەگى نۇسقاۋلىعىن جانە تمد-عا قاتىسۋشى مەملەكەتتەردىڭ شەتەلدىك تۋريستەر مەن tax-free جۇيەسى بويىنشا ۋاقىتشا كەلۋشىلەر ءۇشىن جەڭىلدىكتى ساۋدا تارتىپتەرىن بەكىتۋ جونىندەگى نۇسقاۋلىقتى تالقىلادى.
وتىرىسقا قاتىسۋشىلاردىڭ نازارىنا «سپورتتا دوپينگ قولدانۋعا قارسى ءىس-قيمىل تۋرالى» جانە «مەكتەپتەگى سپورت تۋرالى» ۇلگى زاڭ جوبالارىن ازىرلەۋ بارىسى تۋرالى اقپارات ۇسىنىلدى. كوميسسيا تمد-عا قاتىسۋشى مەملەكەتتەرگە ارنالعان مادەنيەت تۋرالى ۇلگى كودەكسىنىڭ جوباسىن جانە تمد-عا قاتىسۋشى مەملەكەتتەردىڭ مادەني مۇرالارىن ساقتاۋ تۋرالى كونۆەنتسيا جوباسىن تۇتاستاي ماقۇلدادى جانە تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنىڭ وتىرىسىنىڭ كۇن تارتىبىنە ۇسىنىلدى.
كوميسسيا مۇشەلەرى تمد پاا مادەنيەت, اقپارات, تۋريزم جانە سپورت جونىندەگى تۇراقتى كوميسسياسىنىڭ 2017 جىلعى جۇمىسىنىڭ قورىتىندىلارى جانە تمد پاا كوميسسياسىنىڭ باستاماسى بويىنشا قابىلدانعان ۇلگى زاڭنامالىق اكتىلەردى ۇيلەستىرۋ بارىسى, بەلارۋس رەسپۋبليكاسى ۇلتتىق جينالىسىنىڭ زاڭ شىعارۋ قىزمەتى تۋرالى اقپاراتتارمەن تانىستى.
وتىرىستا سونداي-اق مادەنيەت جانە ونەر, ءباسپاسوز جانە اقپارات, دەنە شىنىقتىرۋ, سپورت جانە تۋريزم سالاسىنداعى تمد پاا-نىڭ قۇرمەت بەلگىسىمەن ماراپاتتاۋعا ۇسىنۋلار تۋرالى ماسەلە قارالدى.
