- اۋرۋلاردى ەرتە دياگنوستيكالاۋ ماسەلەلەرى تۇتاستاي العاندا ايماق ءۇشىن دە, جالپى ەل ءۇشىن دە وزەكتى بولىپ قالا بەرەدى. وسىعان بايلانىستى وڭتۇستىك كورەيانىڭ تاجىريبەسى مەن ەڭ الدىڭعى قاتارلى تەحنولوگيالارىن ەسكەرە وتىرا دەنساۋلىق ساقتاۋ جۇيەسىن دامىتۋدا قىزىعۋشىلىق تانىتىپ وتىرمىز. ءبىز سونداي-اق, وسى جوبانى ىسكە اسىرۋدا جانە جوعارى بىلىكتى جۇمىسشىلاردى دايىنداۋدا قولداۋ كورسەتەتىنىڭىزگە سەنەمىز,-دەدى كەلىسسوز كەزىندە بەردىبەك ساپارباەۆ.
ءوز كەزەگىندە پروفەسسور كۆانگ ۆۋنگ لي وڭتۇستىك كورەيالىق ماماندار توبىنىڭ اقتوبەگە وسى ماقساتتا ارنايى كەلگەندىگىن اتاپ ءوتىپ, اتالمىش ماسەلەگە قولداۋ كورسەتۋگە دايىن ەكەندىگىن ءبىلدىردى.
- كەم دەگەندە العاشقى ەكى جىلدا ماڭىزدى دارىگەرلەر - وڭتۇستىك كورەيانىڭ ماماندارى بولادى,-دەدى ول.
ورتالىق قۇرىلىسى كەلەسى ايدا باستالماق. جوبانى 2019 جىلدىڭ ءبىرىنشى جارتى جىلدىعىندا اياقتاۋ جوسپارلانىپ وتىر.
زاماناۋي دياگنوستيكالىق ورتالىقتى قۇرۋداعى نەگىزگى ماقسات – ءتۇرلى اۋرۋلاردى ەرتە جانە ۋاقىتىندا انىقتاۋ, مەديتسينالىق ءتۋريزمدى دامىتۋ, اقتوبە وبلىسىنداعى مامانداردىڭ بىلىكتىلىك دەڭگەيىن كوتەرۋ, دياگنوستيكالاۋ مەن ەمدەۋدىڭ زاماناۋي ادىستەرىن ەنگىزۋ. قازاقستاندا العاش رەت كورەيا مەديتسيناسىنىڭ كوشباسشىسى – سەۋل ۇلتتىق ۋنيۆەرسيتەتىنىڭ گوسپيتالىمەن راستالعان حالىقتىڭ دەنساۋلىعىن كەشەندى باعالاۋ بويىنشا الەمدىك ستاندارتتارعا جاۋاپ بەرەتىن زاماناۋي ورتالىقتىڭ ۇلگىسى ۇسىنىلماق.
