جيىنعا قازاقستاننىڭ تۇركياداعى ەلشىسى ابزال ساپاربەك ۇلى, سايان شىلمامبەتوۆ, ەرمۇحامەت مارالبەك, دىنمۇحامەد قاسىمبەك, ەركىن قاليدوللا, دانا قاسقاباەۆا, دارحان ابىشەۆ, ەربولات سارۋاروۆ سىندى حاجەتتەپە, گازي, انكارا, يىلدىرىم بايازيت ۋنيۆەرسيتەتتەرىنىڭ دوكتورانتتارى مەن ماگيسترانتتارى قاتىستى.
قازاقستاندىق ازاماتتاردى العىس ايتۋ كۇنىمەن قۇتتىقتاعان ەلشى ا.ساپاربەك ۇلى ەلباسى ن.ءا.نازارباەۆتىڭ قازاقستان حالقىنا ارناعان جولداۋىنىڭ نەگىزگى باعىتتارىن اتاپ ءوتىپ, «بولاشاققا باعدار: رۋحاني جاڭعىرۋ» اتتى مەملەكەتتىك باعدارلاما تۋرالى ەگجەي-تەگجەي بايانداپ بەردى. العىس ايتۋ كۇنىنە وراي ءوتىپ جاتقان شاراعا ساتتىلىك تىلەپ, قازاق ەلىنە, وتان مەن اتا-اناعا, وتباسى مەن تۋعان-تۋىسقا, ەلىمىزدىڭ ابدال ازاماتتارىنا العىس ايتۋدىڭ ءمان-جايىن ءتۇسىندىرىپ بەردى. قازاقستاننىڭ بەيبىت ءومىر سۇرۋىنە ۇلەس قوسىپ وتىرعان وتانداستارعا العىس ايتۋدىڭ, بىرلىك پەن ىنتىماقتىڭ, ءوزارا تۇسىنىستىك پەن سابىرلىقتىڭ قاجەتتىلىگى تۋرالى اڭگىمە قوزعادى.
وسى ورايدا گازي ۋنيۆەرسيتەتىنىڭ ماگيسترانتى, ازەربايجاندىق احمات حاسانوۆ بەيبىتشىلىكتى ساقتاپ, ىنتىماقتى تۋ ەتكەن قازاق جۇرتىنا العىس ايتىپ, كۇللى قازاق ەلىن ايتۋلى مەرەكەمەن قۇتتىقتادى. قۇتتىقتاۋ سوزىندە ول قازاقستان حالقى اسسامبلەياسى تۋرالى بايانداما جاساپ, بەرەكە-بىرلىكتىڭ ارقاسىندا قازاقستاننىڭ بۇكىل الەمگە ۇلگىلى مەملەكەت ەكەندىگىنە نازار اۋداردى.
ءوز كەزەگىندە, جاس زەرتتەۋشى-عالىمدار «بۇۇ قاۋىپسىزدىك كەڭەسى جانە قازاقستاننىڭ حالىقارالىق قاۋىپسىزدىكتەگى ورنى», «بۇۇ قۇرىلۋى جانە ونىڭ تاريحي ميسسياسى», «قازاقستان مەن بۇۇ اراسىنداعى ىنتىماقتاستىق», شانحاي ىنتىماقتاستىق ۇيىمى جانە قازاقستاننىڭ گەوساياسي اسپەكتىلەرى», «بۇۇ شەڭبەرىندەگى لاڭكەستىككە قارسى كۇرەس قازاقستاننىڭ لاڭكەستىككە قارسى كۇرەستىڭ زاڭنامالىق شارالارى», تۇركى الەمى جانە قازاقستان», «قازاقستان رەسپۋبليكاسىنىڭ دۇنيەجۇزىلىك ساقتاۋ ۇيىمىمەن ىنتىماقتاستىعى» سىندى تاقىرىپتار توڭىرەگىندە بايانداما جاسادى.
جيىن سوڭىندا ەلشى ا.ساپاربەك ۇلى قازاق جاستارىنا العىس حاتپەن ماراپاتتادى.
