فوتو: informburo.kz
ءوز تاراپىنان ۆەدومستۆو قىزمەتىندە ەلىمىزدە سىبايلاس جەمقورلىققا قارسى قابىلدانعان شارالار شەڭبەرىندە قىزمەت اتقاراتىندىعىن جانە سىبايلاس جەمقورلىقتىڭ قانداي دا ءبىر بەلگىسىنە قارسى ەكەندىگىن حابارلايدى.
وسىلايشا, مينيسترلىك سىبايلاس جەمقورلىق قۇقىق بۇزۋشىلىقتارى مەن قىلمىستاردى بولدىرماۋ ماقساتىندا تۇراقتى نەگىزدە جەمقورلىققا قارسى زاڭناما تالاپتارىن ءتۇسىندىرۋ بويىنشا قىزمەتكەرلەرى ءۇشىن ءىس-شارالار وتكىزەدى.
2017 جىلى مينيسترلىك پەن ونىڭ اۋماقتىق بولىمشەلەرى سىبايلاس جەمقورلىق تاۋەكەلدەرىن زەرتتەۋ بويىنشا 11 تالداۋ, سىبايلاس جەمقورلىققا قارسى 10 باقىلاۋ جۇمىستارىن, 58 ءىس-شارا جۇرگىزدى جانە جەمقورلىققا قارسى 7 ستاندارت ازىرلەدى.
2017 جىلدىڭ قورىتىندىسى بويىنشا مينيسترلىك قىزمەتكەرلەرى تاراپىنان سىبايلاس جەمقورلىق قۇقىق بۇزۋشىلىق فاكتىلەرى انىقتالماعاندىعىن اتاپ ءوتۋ ماڭىزدى.
قر ەنەرگەتيكا مينيسترلىگى مەملەكەتتىك قىزمەت كورسەتۋ پروتسەسىن وڭتايلاندىرۋ, ونىڭ اشىقتىعىن قامتاماسىز ەتۋ جانە بيۋدجەتتىك قارجىنىڭ جۇمسالۋىنا باقىلاۋ جۇرگىزۋ بويىنشا جۇمىستى بەلسەندى تۇردە ىسكە اسىرادى, اتالعان شارالاردى ناتيجەلى جۇزەگە اسىرۋ باقىلاۋ فۋنكتسيالارىنىڭ اشىقتىعى جانە مەملەكەتتىك قىزمەت كورسەتۋ پروتسەستەرىن وڭتايلاندىرۋ ارقىلى سىبايلاس جەمقورلىق تاۋەكەلدەرىنىڭ الدىن الۋعا مۇمكىندىك بەرەدى.
ورىن العان جاعدايدى تولىق جانە وبەكتيۆتى باعالاۋ ءۇشىن مينيسترلىك سىبايلاس جەمقورلىققا قارسى ءىس-قيمىل ۇلتتىق بيۋروسىنا جان-جاقتى قولداۋ كورسەتىلىپ, سۇراتىلىپ جاتقان بارلىق ماتەريالداردىڭ ەش كەدەرگىسىز ۇسىنىلىپ جاتقاندىعىن حابارلايدى.
قر ەنەرگەتيكا مينيسترلىگى قۇزىرەتتى ورگانداردىڭ شەشىمى بەلگىلى بولمايىنشا, دالەلسىز قورىتىندىلار شىعارماۋدى سۇرايدى.
ەستەرىڭىزگە سالا كەتسەك, سىبايلاس جەمقورلىققا قارسى ءىس-قيمىل ۇلتتىق بيۋروسى بيۋدجەت قاراجاتىن جىمقىرىپ كەلگەن, قر ەنەرگەتيكا مينيسترلىگىنىڭ لاۋازىمدى قىزمەتكەرلەرىن ۇستاعانى تۋرالى حابارلاعان بولاتىنبىز.
