وبلىس ورتالىعىنان 42 شاقىرىمدا قىزىلقوعا اۋدانىنىڭ اۋماعىندا ءجۇرىپ جاتقان قۇرىلىس ماڭىندا ۆاحتالىق قالاشىق ورنالاسقان. ءورت 2 ناۋرىز كۇنى ساعات 08.41-دە شىققان. ساعات 10.25-تە وقشاۋلانىپ, 20 مينۋتتا تولىعىمەن ءسوندىرىلدى.
وكىنىشكە قاراي, 6 ادام قازا تاۋىپ, 4 ادام زارداپ شەكتى. ولاردىڭ ءبارى دە وڭتۇستىك قازاقستان وبلىسىنان اتىراۋعا كەلىپ جۇمىس ىستەپ جۇرگەن جاستار. ء«بىر قاباتتى جاتاقحاناداعى 480 شارشى مەتر اۋماقتى شارپىعان ءورتتىڭ شىعۋىنا الدىن الا بولجام بويىنشا ەلەكتر سىمدار جۇيەسىنىڭ قىسقا تۇيىقتالۋى سەبەپ بولعان. ءورتتى سوندىرۋگە دەپارتامەنتتىڭ 18 قىزمەتكەرى مەن 5 تەحنيكاسى, سونداي-اق, نورت كاسپيان وپەرەيتينگ كومپاني كومپانياسىنىڭ ءورت ءسوندىرۋ-اپاتتىق قىزمەتى, مەملەكەتتىك ەمەس ورتكە قارسى قىزمەت جانە پوليمەر پروداكشن جشس قىزمەتى قاتىستى», - دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
ءتۇرلى دارەجەدە دەنە جاراقاتتارىن العان 4 ادام وبلىستىق اۋرۋحانادا دارىگەرلەر باقىلاۋىندا. قازىر وقيعا ورنىندا جەدەل شتاب جۇمىس ىستەپ جاتىر. ونىڭ قۇرامىندا وبلىس اكىمىنىڭ ءبىرىنشى ورىنباسارى ساعىندىق لۇقپانوۆ باستاعان قۇقىق قورعاۋ مەن قۇزىرلى ورگانداردىڭ باسشىلارى بار.
باقىتگۇل باباش,
«ەگەمەن قازاقستان».
اتىراۋ.
