جوبانىڭ تۇساۋكەسەرىنە ارنايى مونيتورينگتەۋ توبىنىڭ مۇشەلەرى ايگۇل سولوۆەۆا, عالىم بايتوق, تالعات نارىكباەۆ جانە اگەنتتىكتىڭ سىبايلاس جەمقورلىققا قارسى ساياسات دەپارتامەنتىنىڭ ديرەكتورى سالاۋات مۇكسىموۆ قاتىستى.
اگەنتتىك وكىلىنىڭ ايتۋىنشا, بيۋدجەت قاراجاتىن ءبولۋ جانە دامىتۋ بويىنشا مەملەكەتتىك ورگاندار ورنالاستىراتىن اقپارات تىزبەسىن كەڭەيتۋگە شارالار قابىلدانۋدا. سونىمەن قاتار دەرەكتەر ازاماتتار ءۇشىن ەڭ قولجەتىمدى جانە تۇسىنىكتى تۇردە ۇسىنىلعان. «Qamqor» قوسىمشاسى ارقاسىندا حابارلامالار اۆتوماتتى تۇردە ۋاكىلەتتى ورگانعا جىبەرىلەدى.
قۇرىلىستىڭ بارىسىن باقىلاپ وتىرۋ جانە ازاماتتاردان حابارلاردى قابىلداۋ مۇمكىندىگى ءۇشىن ارنايى مونيتورينگ توبىنىڭ جەلىسى ايتارلىقتاي كەڭەيگەن. وسىلايشا, جاقىندا قالالىق جانە اۋداندىق دەڭگەيلەردە مونيتورينگ توپتارىنىڭ جەلىسى قۇرىلدى. اۋداندار مەن اۋىلدىق وكرۋگتەردىڭ تۇرعىندارى الەۋمەتتىك نىسانداردىڭ, اۆتوموبيل جولدارىنىڭ جانە باسقا دا تىكەلەي ايماقتىق توپتار ارقىلى قۇرىلىس جۇمىستارىنىڭ بارىسىن باقىلاي الادى. بۇل ءوزارا قارىم-قاتىناس سحەماسى بيۋدجەتتەن بولىنگەن ءاربىر تيىنعا قوعامدىق باقىلاۋدى قامتاماسىز ەتۋگە مۇمكىندىك بەرەدى.
سونداي-اق اگەنتتىكتىڭ قىزمەتكەرلەرى قولدانىستاعى زاڭناماعا سايكەس راستالعان سىبايلاس جەمقورلىق فاكتىلەرى تۋرالى حابارلاعان ازاماتتار 30-دان 100 اەك سوماسىندا ىنتالاندىرىلاتىنىن ەسكە سالدى.
ارنايى مونيتورينگتەۋ توبىنىڭ مۇشەسى – قازاق مەملەكەتتىك زاڭ ۋنيۆەرسيتەتىنىڭ رەكتورى تالعات نارىكباەۆ ۋنيۆەرسيتەت پەن اگەنتتىك بىرلەسىپ ازاماتتارعا اۆتوماتتى تۇردە مەملەكەتتىك ورگاندارمەن ءوزارا ءىس-قيمىل ماسەلەلەرى بويىنشا تەگىن كەڭەس بەرەتىن ارنايى «يۋرسوۆەتنيك» تەلەگرامم-بوت باعدارلاماسى ازىرلەنگەنىن جەتكىزدى.
