ۆيتسە-پرەمەر بەلارۋس رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ۆاسيلي ماتيۋشەۆسكيمەن جانە بايلانىس جانە اقپاراتتاندىرۋ ءمينيسترى سەرگەي پوپكوۆپەن كەزدەستى. تاراپتار ەكى ەلدىڭ اقپاراتتىق تەحنولوگيالار سالاسىنداعى ىنتىماقتاستىعى مۇمكىندىكتەرىن تالقىلادى.
ودان ءارى قازاقستان وكىلدەرى بەلارۋستىڭ جوعارى تەحنولوگيالار پاركىنە باردى. پارك رەزيدەنتتەرى ءتۇرلى سالالارعا ارنالعان باعدارلامالىق قامسىزداندىرۋلار, تسيفرلى شەشىمدەر ازىرلەۋمەن اينالىسادى. «جوعارى تەحنولوگيالار پاركىنىڭ اكىمشىلىگى» مب ديرەكتورى ۆسەۆولود يانچەۆسكيدىڭ ايتۋىنشا, ىشكى نارىقتىڭ بولماۋىنا بايلانىستى ستارتاپتار اۋەلدەن شەتەلدىك كومپانيالارمەن باسەكەلەستىككە باعدارلانعان, سوندىقتان دا ولاردىڭ ونىمدەرى ساپاسىمەن جانە بىرەگەيلىگىمەن ەرەكشەلەنەدى. بۇگىندە بىرنەشە بەلارۋستىك ستارتاپتار دۇنيەجۇزىلىك تانىمالدىققا يە بولعان.
جوعارى تەحنولوگيالار پاركىنىڭ تاجىريبەسى قازاقستاندىق استانا IT-Hub ءۇشىن پايدالى بولۋى مۇمكىن. كەزدەسۋ سوڭىندا تاراپتار ىنتىماقتاستىقتى ودان ءارى جالعاستىرۋ تۋرالى كەلىسىمگە كەلدى, ول استانا IT-Hub الاڭىندا جالعاسۋى مۇمكىن.
بۇدان وزگە, قازاقستاندىق دەلەگاتسيا قالا ينفراقۇرىلىمىنا, ونەركاسىپ, اۋىل شارۋاشىلىعى, قاۋىپسىزدىك جانە ت.ب. سالالارعا ارنالعان تسيفرلى شەشىمدەردى ۇسىنعان بەلارۋستىك كومپانيالارمەن بىرقاتار كەزدەسۋلەر وتكىزدى. كومپانيالار قازاقستاندىق نارىق الەۋەتىنىڭ زور ەكەنىنە كوز جەتكىزىپ وتىر جانە «تسيفرلى قازاقستان» باعدارلاماسىنىڭ جوبالارىنا قاتىسۋعا ءازىر.
