شاراعا «اتامەكەن» ۇلتتىق كاسىپكەرلەر پالاتاسى اقپاراتتىق-كوممۋنيكاتسيالىق تەحنولوگيالار, ءبىلىم بەرۋ جانە يننوۆاتسيا كوميتەتىنىڭ توراعاسى مۇرات ابەنوۆ, «قازاقستان ەكولوگيالىق ۇيىمدار قاۋىمداستىعىنىڭ» باسقارما ءتورايىمى ايگۇل سولوۆەۆا, قازاقستان ەكولوگيالىق ۇيىمدار قاۋىمداستىعى پريزيديۋمىنىڭ مۇشەسى سالتانات راقىمبەكوۆا, قر جاڭارتىلاتىن ەنەرگەتيكا قاۋىمداستىعىنىڭ باس ديرەكتورى ارمان قاشقىنبەكوۆ, «استانا Innovations» اق باسقارما توراعاسى ولجاس سارتاەۆ قاتىسىپ, قازاقستاندا «يندۋستري 4.0» ۇيىمداستىرۋ بويىنشا ەنگىزىلگەن جەكەلەنگەن ەلەمەنتتەر جايىندا, قورشاعان ورتانىڭ ەكونوميكالىق تۇراقتىلىعى مەن الەۋمەتتىك تەڭدىگىن ساقتاۋ ءۇشىن ەكوجۇيەنى كەزەڭمەن قالىپتاستىرۋ ماسەلەلەرى تۋرالى باياندادى.
جيىن بارىسىندا مۇرات ابەنوۆ ەلىمىزدە جاسىل ەكونوميكا ءسوزى كوپ قولدانىلعانىمەن ازاماتتاردىڭ كوبى ونىڭ نەگىزگى مازمۇنىن تۇسىنبەگەنىن جەتكىزدى.
«قازىر جاسىل ەكونوميكامەن اينالىسۋ نەگىزگى تالاپتاردىڭ ءبىرى. ەگەر ءبىز جاسىل ەكونوميكامەن اينالىسپاساق, ءبىزدىڭ ەكونوميكا باسەكەلەستىككە قابىلەتتى بولا المايدى. سەبەبى, ونى پايدالانعان مەملەكەتتەر ءبىرىنشى كەزەكتە ۇنەمدى, ەكىنشى كەزەكتە ساپالى, ءۇشىنشى كەزەكتە باعاسى ارزان, ءتورتىنشى كەزەكتە بولاشاقتا ەكولوگيانى قورعاۋعا, ازاماتتاردىڭ دەنساۋلىعىن ساقتاۋعا مۇمكىنشىلىگى مول. سول سەبەپتەن جاسىل ەكونوميكانى پايدالانعان كومپانيالار باسەكەلەستىككە قابىلەتتى, شىعاتىن زاتتارى ارزانداۋ جانە ساپالى بولادى. ارينە باستاپقى كەزدە مەملەكەتتىڭ قولداۋىنسىز جانە ءبىر ەرەكشە كومەك بولماي, تاجىريبە الماسپاي, عىلىمي ىزدەنىستەردى پايدالانباي جاسىل ەكونوميكانى باسەكەگە قابىلەتتى ەتۋ قيىن. قازىرگى ۋاقىتتى بىزدە جاسىل ەكونوميكانى سالاسىندا بيزنەس جاساپ جۇرگەن كومپانيالار كوبەيىپ كەلە جاتىر», دەدى مۇرات ابەنوۆ
قازاقستان ەكولوگيالىق ۇيىمدار قاۋىمداستىعى پريزيديۋمىنىڭ مۇشەسى سالتانات راقىمبەكوۆا ەلىمىزدىڭ جاسىل ەكونوميكاعا ءوتۋ تۇجىرىمداماسىنا بەس جىل تولعانىن اتاپ ءوتىپ, وعان ءوتۋ دە, ونى قولدانۋدا ەلىمىزدە قوماقتى جۇمىستار جۇرگىزىلىپ جاتقانىن جەتكىزدى.
راۋان قايدار,
«ەگەمەن قازاقستان».
