دەگەنمەن, العىس ايتۋ كۇنىنىڭ ايتۋلى جاڭالىعى – ورال قالاسىندا مۇمكىندىگى شەكتەۋلى جاندارعا ارنالعان ەرەكشە ءۇيدىڭ سالىناتىندىعى تۋرالى حابار بولدى.
تولىقتاي مەتسەناتتاردىڭ عانا كۇشىمەن تۇرعىزىلاتىن ەكى قاباتتى كەشەندە مۇگەدەك جانداردىڭ بارلىق تالاپ-سۇرانىسى ەسكەرىلەتىن بولادى. جوبالىق قۇنى 100 ملن. تەڭگەگە باعالانعان بۇل كەشەندە مۇگەدەك جانداردى ساۋىقتىرۋ, ومىرگە بەيىمدەۋ جۇمىستارى جۇرگىزىلمەك. تاعدىردىڭ قيىن سىناعىنا تاپ بولعان ادامدار بۇل جەردە تولىققاندى ءومىر ءسۇرۋدى ۇيرەنەدى: جاڭا ماماندىق الادى, ورتامەن ارالاسادى, وزىنە ءوزى قىزمەت كورسەتەدى, تاماق ءپىسىرىپ, كىر جۋىپ, شارۋاشىلىعىن جۇرگىزەدى. بوس ۋاقىتىن ءتيىمدى پايدالانىپ, دەمالىسىن ءماندى وتكىزۋگە داعدىلانادى. ادەتتە ءوز قيىندىعىمەن وڭاشا قالىپ قوياتىن مۇگەدەك جاندار بۇل جەردە جاڭا ءومىر باستايتىنى ءسوزسىز.
بۇل «رۋحاني جاڭعىرۋ» باعدارلاماسى اياسىندا جاسالىپ جاتقان شارا. «تۋعان جەر» باستاماسى بويىنشا تولىعىمەن جەرگىلىكتى دەمەۋشىلەردىڭ كۇشىمەن تۇرعىزىلادى. قازىر ءتيىستى قۇجاتتامالار راسىمدەلىپ جاتىر, قۇرىلىس جۇمىسى وسى كوكتەمدە باستالادى. بىراق ءبىز بۇگىنگى 1 ناۋرىز – العىس ايتۋ كۇنىنە ورايلاستىرىپ, قۇرىلىس ىرگەتاسىنا «ەستەلىك كاپسۋلاسىن» سالىپ وتىرمىز. مۇنىڭ تەرەڭ ماعىناسى بار, - دەيدى باتىس قازاقستان وبلىسىنىڭ اكىمى التاي كولگىنوۆ.
مۇگەدەكتەردى ومىرگە بەيىمدەۋ ءۇيى – باتىس قازاقستان وبلىسىنداعى تۇڭعىش جوبا. 50 ادامعا ارنالعان كەشەندە جەكە-جەكە جاتىن بولمەلەرى, اس ءۇي, مەديتسينالىق كابينەت جəنە شەبەرحانا جوبالانعان.
قازبەك قۇتتىمۇرات ۇلى
«ەگەمەن قازاقستان»
سۋرەتتى تۇسىرگەن تەمىربولات توقمامبەتوۆ
ورال قالاسى
